UN DOS MELLORES RESTAURANTES DO MUNDO HONRA O ALBARIÑO NUN DOS SEUS PLATOS

“MOLUSCADA AO ALBARIÑO” UN MANXAR PARA MOI POUCOS.

Os irmáns do Restaurante "Can Roca" sito en Girona-Catalunya acaban de mostrar un plato no Fórun Gastronomic de Girona en homenaxe a Galicia chamado "moluscada de albarinho". 

Moluscada do Albariño

A Moluscada ao albariño componse de : chirla/mazá, berberecho/albaricoque, mexilón/fume, ameixa/loureiro, ostra e caldo de molusco. 

O “Can Roca” está situado como o segundo mellor restaurante do mundo, conta con tres estrelas Michelin e, sobre todo, materializa unha historia “gastroempresarial” de éxito que suma varios ingredientes: unha negocio familiar, un modelo que aglutina un restaurante de alta cociña, un negocio de eventos e unha xeladeria; e un reparto equilibrado de papeis entre tres irmáns desde o punto de vista gastronómico. GASTROECONOMY “conta” a través de imaxes algúns dos pratos actuais do restaurante de Joan, Josep e Jordi Roca. 

Para moitos foodies( clase moi particular afecionadas a comida e bebida)  ultraexigentes, O Celler de Can Roca é o restaurante perfecto. Digamos que como a perfección é máis un anhelo que unha realidade, este negocio de Girona podería ser cualificado como o restaurante cuasiperfecto. O mellor é o motivo de semellante perfección: pura xenética. 

Joan, Josep e Jordi Roca asinan a terceira xeración dun negocio familiar que ten o seu primeiro antecedente histórico en 1920, cando Joan Roca e Angeleta, os seus avós, inauguraron unha fonda en San Martín de Llémena, na Garrotxa. Os seus fillos Montserrat e Josep (pais da actual xeración) abriron en 1967 unha casa de comidas que hoxe segue funcionando e onde, por certo, cada día o equipo do Celler de Can Roca acode a xantar a comida da “familia” (é dicir, na xerga culinaria, a comida do persoal). En 1986, Joan e Josep Roca, o maior e o mediano da saga, arrincaron O Celler de Can Roca co soño de construír un restaurante gastronómico. Anos despois, sumouse o menor da familia, Jordi, que acabou seducido polo mundo doce. Aquel soño cumpriuse ou máis aínda. O Celler de Can Roca, con tres estrelas Michelin desde 2009, está situado como o segundo mellor restaurante do mundo, na Lista S. Pellegrino, publicada anualmente na revista británica “Restaurant”. 

Ben xa sabedes que se queredes ir tedes que reservar, e levar moitos, pero que moitos cartos.