"ANONYMOUS" DI QUE PUBLICARÁ DOCUMENTOS DA PRESUNTA RELACIÓN DO PP CON NARCOS

O feito de que tras o anterior anuncio os hacktivistas publicaran a contabilidade oficial do PP e que agora mencionen a axentes de aduanas -o corpo que rexistrou a casa de Marcial Dorado- dálle credibilidade ao anuncio.

Varios vídeos difundidos na Rede coas imaxes do grupo hacktivista "Anonymous" anuncian a próxima publicación de documentos que probarían a relación do finiciamento do PP con narcotraficantes e tráfico de influencias de xuíces, policías e axentes de aduanas.

En xullo "Anonymous" cumpriu a súa advertencia

A ameaza non tería maior credibilidade de non ser polos precedentes deste verán. En xullo Anonymous anunciou a  "Anonymous secret files  Op Partido Popular" e varios días despois foi publicada a contabilidade oficial dos conservadores entre 1990 e 2011. 

Como explicou GC, eses documentos permitiron coñecer que o PPdeG díxolle ao Tribunal de Cuentas que non sabía quen lle doara 231.400 €. Era 2007, xa baixo o mandato de Alberto Nuñez Feijóo, cando no partido ingresaron máis de 231.000

euros, cartos que aseguraron non poder devolver porque eran "ingresos dos que ignora a súa orixe e identidade".

Ademais deste recoñecemento na contabilidade oficial, cómpre lembrar que a suposta 'caixa B' de Bárcenas sinala a varias constructoras como financiadoras ilegais do PP a través do PPdeG. 

O anuncio de Anonymous ten aínda máis credibilidade polo feito de que o PP denunciou ao grupo -cuxa militancia é descoñecida- polo hackeo das súas contas. É dicir, o propio partido político engadiu veracidade aos documentos subidos a

servidores anónimos ao presentar unha denuncia polo hackeo diante da Guardia Civil.

Está por ver se agora "en breve" se a "Anonymous secret files parte 2 Op Partido Popular" ten algo de substancia. Con todo, hai un detalle moi interesante non anuncio. O feito de que se mencione a axentes de aduanas -canda xuíces e policías- como presuntos participantes na "prevaricación" artellada supostamente dende o PPdeG. 

Cómpre ter en conta que as fotos do presidente da Xunta co narcotraficante Alberto Nuñez

Feijóo foron remitidas á Xustiza (en concreto ao xuíz Vázquez Taín) tras un rexistro da vivenda realizado por funcionarios de Vigilancia Aduanera.

Anonymous é un fenómeno global que loita pola transparencia informativa, contra a corrupción e o abuso de poder. Numerosos hackers sumáronse a esta etiqueta, publicando os documentos aos que gañan acceso baixo a xa famosa imaxe do protagonista de V de Vendetta. 

Velaquí un dos videos publicados:

NOVA RECOLLIDA DE GALICIA CONFIDENCIAL