O pasado dia 13 de febreiro foi a inauguración oficial da exposición do cambadés Rafa Alba Padin ainda que desde o 5 de febreiro xa se podía visitar e que dado o éxito de publico amplia o tempo de exposición todo mes de marzo.Podese visitar no edificio administrativo da Xunta en Pontevedra en Campolongo.
Rafa alba Padin naceu Castrelo (Cambados) en 1976. Desde moi pequeno enfocou a súa vida cara á arte do
modelado, empezando con pequenas figuras de arcilla e barro.
Ao finalizar os seus estudos centrouse nun dos oficios máis tradicionais de Galicia, a cantería/escultura. Para iso comezou a formarse cun importante artista e veciño, Manolo Paz. Con el aprendeu a modelar e comezou os seus primeiros pasos cara ao
traballo da pedra.
Por motivos laborais do seu mestre, tivo que buscar unha alternativa para continuar satisfacendo a súa curiosidade nun oficio aínda descoñecido, pero do que xa non podía sacar do seu pensamento. Para iso continuo a súa formación con outro gran escultor Francisco
Vilar. Con el adquiriu máis coñecementos e soltura na arte da escultura. Isto xa axudouno a realizar pola súaa conta pequenos traballos como artesano.
Xa tendo un pouco de experiencia e con ganas de coñecer máis, tivo a
oportunidade de acceder á Escola Taller de Cantería en Cambados. Durante preto de dous anos, adicouse a perfeccionarse e a coñecer os tipos de pedras, ferramentas e técnicas deste oficio.
Para axudarlle a aplicar os meus coñecementos e a adquirir novas nocións sobre distintos materiais como plomo, resina, poliester, cera, virutas de metal,... nos que poder
continuar modelando, decidiu contactar cun gran amigo e excelente profesional Manolo Rial.
Actualmente, xa co seu propio taller de artesanía dedicase a aplicar os coñecementos adquiridos ao longo da súa vida e a fusionalos coas experiencias e a contorna que o rodea.
Grazas a Luis Gómez Charlin , polas súas fotos e o seu texto.
Ningún comentario:
Publicar un comentario