JAVIER VENTE PARA CAMBADOS...PERO LOITA POLA DIGNIDADE PRIMEIRO.

¡¡¡TODOS SOMOS CULLER DE PAU!!!, UN ARTIGO DE XAN GALBÁN.

Téñoche un lugar no Concello de Cambados impresionante cunhas vistas á ria e a dous

metros do mar que namoraría a calquera que teña un mínimo de gusto e decida facer a grande cociña que elaboras con isos criterios tan persoais e ao mesmo tempo potenciando os produtos da comarca do Salnés que repercute tan positivamente nas persoas adicadas a

traballar a terra e ao mar onde te situas.Xa sabes que a ensinada do Umia pódese facer andando nas grandes mareas case sen mollarte agás o tramo da Canle coa "correntía"

das últimas aguas da marea.En Cambados adoitamos dicir cando chove moito co vento do norte, coido que,  os Mecos xa deixaron abertas as portas outra volta e así teñen que ficar,de par en par para que as ciclo xéneses entren con furor levando as malas artes,a forma desigual e caciquil do que sendo pasado permanece no presente na nosa cultura común,que "esplosione" coma os raios que caen na

illa de Rúa,nos Cons da paisaxe Arousán erosionados de tanto bater a razón e o mar libre,inmenso coma o planeta azul,coas correntes nacidas no Polo Norte,o norte,viaxan preñadas de vida para entrar na ría co amansamento de Sálvora para virar

dándolle bicos con cada onda aos areais e mesmo aos paseos marítimos de mal gusto.Saúdan ao Con de Arbón,felicitan á Torre de San Sadurniño,preguntan polas Goritas,rodean á Arousa,presentan os respectos ao Areoso-

pedregoso, agranda na canle de Vilagarcía,lévanlle sardiñas onde naceu o Irmán mais grande que pariu o país,lémbranse de Valle-Inclán adícanlle un bruar de sonoros versos a Camba, axudan a tomar o timón para

outros mares aos barcos de altura de Ribeira.Esa é a forza que che mando dende a mais absoluta admiración mentres vexo dende a humidade compostelán como as xentes de diferentes signos e profesións tentan darche ánimos para

que non desesperes; mais cadaquén cos seus silencios.Lémbrote na clase maxistral no Forum Compostela e quérote lembrar en O Grove,por que O Grove merece ter un cociñeiro coma ti,por que é unha das grandes bases da

súa economía e que mellor embaixador ca ti par pór no mundo o nome da península meca co marabilloso cordón umbilical da Lanzada;se non for posible,fronte ao Gran Hotel sei que non irías lonxe pero queremos ser vento mareiro,TODOS SOMOS CULLER DE PAU.

Un artigo de Xan Galbán, cambadés,  cociñeiro e propietario do restaurante compostelán "MARIA CASTAÑA".