O VINDEIRO DÍA DOCE DE XANEIRO ÁS 19 H. NO AUDITORIO DA XUVENTUDE
A compañía cambadesa Teatro No Garaxe representará o
vindeiro domingo 12 de xaneiro no Auditorio da Xuventude de Cambados, ás 19 horas a obra de Federico Garcia Lorca “Yerma”, baixo a dirección do arousán Manolo Dios. Entre as principais protagonistas podemos atopar a xente tan coñecida como Araceli Bugallo , aparte de fenomenal actora, gran campiona
de esgrima, e a supercoñecida Rosa Mari, entre outros actores afeccionados tamén coñecidos na nosa vila.
 |
| Manolo Dios, director. |
 |
| Araceli Bugallo |
Yerma (1934) é unha obra teatral popular escrita por Federico García Lorca que desenvolve unha traxedia de ambiente rural. Está dividida en tres actos de dous cadros cada un. É unha das tres obras de teatro que
forman parte da "triloxía lorquiana", xunto coa casa de Bernarda Alba (1936) e Vodas de sangue (1933).
 |
| Rosa Mari |
O tema principal é instinto fronte a represión, xa que Yerma loita porque o seu instinto dille que debe ser nai, pero non o logra, e por iso termina odiándose. Por unha banda, a través dun xesto radical, libérase da esterilidade de Juan aínda que non da súa traxedia persoal. Por outra banda, a determinación de Yerma de matar a Juan obedece en parte ao seu desexo de cumprir cunha función imposta pola sociedade; quere ter fillos como as mulleres casadas que viven á súa ao redor.
Consciente do éxito do drama rural de teatro, Lorca elabora estas traxedias baseándose nunha conjugación de mito, poesía e sustancia real, tratando de retratar a unha muller á súa vez oprimida e liberadora de si mesma.
FOTOS: FARO DE VIGO.
Ningún comentario:
Publicar un comentario