CAMBADOS, 8 DE ABRIL DE 2010



Esperanza, Chon e Esther, parte da representación
cambadesa que acudeu a Madrid.



GALICIA INVADE PAFICIFICAMENTE MADRID CON REPRESENTANTES DE CAMBADOS

Arredor de 6.000 persoas -entre as que participaron uns 1.500 delegados e delegadas da CIG- manifestáronse polas rúas de Madrid o martes pasado na mobilización convocada polas organizacións sindicais nacionalistas vascas ELA, LAB, STEE-EILAS, EHNE, HIRU, a catalá CSC, a canaria IC e a CIG, nesta manifestación como no podia ser doutra xeito tamén houbo presenza cambadesa e a Duarte Correa, Felipe Aragunde, Esther, Esperanza tamén hai que sumar a presencia do presidente de Unha Grande Chea “Chon”. Podes ver fotos da manifestación principalmente da participación cambadesa na columna da dereita e tamén podes ver dous videos do evento premendo AQUI e AQUI.

O 8 DE MAIO XXII MARATON POPULAR EN OUBIÑA.

A Asociación de veciños “SAN VICENTE” de Oubiña, organiza o domingo día 8 de maio a XXII Maratón Popular “Memorial Manuel Mariño Castro” .
A inscrición realizarase no Centro Cultural “Manuel Mariño” desde unha hora antes da proba, que comezará as 11: 00 horas ou a través do correo electrónico na seguinte dirección: as.oubinha@gmail.com.

PRESENTACION DO LIBRO”ROSALIA DE CASTRO, ESTRANXEIRA NA SUA PATRIA.

O vindeiro martes 12 de Abril ás 20.30 horas no salón de actos de Exposalnés de Cambados terá lugar a presentación do libro “Rosalia de Castro, Estranxeira na súa patria”, co presneza do autor Francisco Rodriguez e presentado por Adela Leiro. Colaboran a Asociación Socio Pedagóxica Galega e a Asociación de ensinantes do Salnés.

Unha obra de Francisco Rodríguez que ofrece unha lectura que parte do contexto da poeta, do coñecemento explicativo e causal da súa obra íntegra, para traela á marcha da historia, coa súa incomparábel e única lucidez e tormento. Tal como se xerou e como combateu, na súa tendencia e intencionalidade. O libro desenvolvido para informar, explicar e valorar, con máis fundamento de causa, deitando máis luz, Rosalía e a súa obr. Este libro hai que inserilo dentro do esforzo colectivo por nos facer conscientes do noso propio valor, neste caso do valor dunha obra literaria e dunha muller, Rosalía de Castro, que transcenden o campo da literatura por seren sintomáticas da aspiración e do dereito á existencia do pobo galego, e tamén dunha perspectiva da historia e do mundo xenuína e moi esclarecedora, imprescindíbel

O escultor Manolo Paz, ante a súa obra titulada "Bolboreta",
nos xardíns do Club Náutico.

DÚAS GRANDES ESCULTURAS DE MANOLO PAZ ÁBRENSE AO MAR

O autor é o artista homenaxeado na Feira de Arte Espazo Atlántico que arrinca hoxe no Ifevi

Duas das cinco esculturas que o escultor cambadés Manolo Paz levará á feira de arte Espazo Atlántico, que se inaugurou estes días no Ifevi (Instituto Feiral de Vigo) ábrense desde ao mar, tamén Atlántico ,que se proxecta desde os espazos do Porto de Vigo.

"Bolboreta" (2007) e "Monte dá Curota" (2009) son enormes figuras de granito do país “a última de cor negra” cuxo tonelaxe vai das 10 ás 15 toneladas e grandes dimensións. Todas equilíbranse sen elementos de soporte, sinala o autor, que destacou o espazo próximo ao mar que coñece "como mariñeiro". "Capela", "menhir" e "árbore caída" “esta última de madeira” sumaranse ao espazo expositivo da feira que arrinca hoxe.

O autor confirmou a súa participación no certame "Galicia en Pedra" que se celebrará na Cidade da Cultura. E recordou que o proxecto de musealización do seu taller de traballo segue adiante.

DOMINGO TABUYO PRESENTA O SEU DERRADEIRO LIBRO “SVEA KÖTT”

Edicións Xerais publicou xa a última novela do profesor e escritor cambadés, Domingo Tabuyo. O libro titúlase «Svea Kött», que significa Carne Sueca, e pertence ao xénero negro. Conta a historia do comisario Sindo Romero , que está chamado a continuar resolvendo os máis diversos casos.

Fiel ao seu estilo, Tabuyo sitúa a acción en varios espazos. En Madrid está a central operativa, pero é en Cambados onde reside parte do seu tempo o comisario Romero . Esta pertenza emocional e física a Cambados aparece reflectida na novela con citas de numerosos lugares, establecementos, restaurantes, rúas e persoas da realidade cambadesa. Tamén inclúe referencias de actualidade aplicadas ás cuestións máis diversas, que permiten contextualizar moi facilmente o libro.

Ficha técnica:

AUTOR: TABUYO DOMINGO, EDITORIAL: XERAIS, ISBN: 978-84-9914-234-0, EAN: 9788499142340, PRECIO: 16.15 € , AÑO: 2011, LUGAR DE EDICIÓN: Vigo, IDIOMA: Galego

, COLECCIÓN: EDICIÓN LITERARIA - NARRATIVA, NÚMERO PÁGINAS: 160

COMENTARIOS: Sindo Romero, comisario xefe da Sección de Investigacións Especiais (SIES), era coñecido e valorado pola súa eficacia na resolución dos casos de características excepcionais e por ter unha habilidade singular, unha intuición que lle permitía casar as pezas dos tramados máis complexos aos que ninguén lles atopaba nin pés nin cabeza. Romero, mergullado nas saudades da súa Arousa, onde acaba de enterrar un ser querido, deberá regresar decontado a Madrid para resolver o enigma que agocha o caso do asasinato da rúa Marqués de Valdeiglesias, no cruzamento de Gran Vía con Alcalá. Un escenario moi cinematográfico para o crime do «home do abrigo beixe», un tipo de mediana idade, indocumentado, que apareceu morto ao pé dunha libraría especializada en libros palestinos e de países da área de Oriente Medio. A aparición doutro cadáver, desta volta en Cambados, que levaba na carteira un recorte de periódico, fai medrar as incógnitas. Existirá algunha conexión Madrid-Arousa entre ambos os dous crimes?

INSUA,  PREMIO RAMÓN CABANILLAS 2011

As librerías Contos e Ramón Cabanillas de Cambados fallaron a oitava edición do premio Ramón Cabanillas. O doutor en filoloxía galego-portuguesa e escritor, Emilio Xosé Ínsua, foi o galardoado nesta ocasión. O acto de entrega será o próximo 14 de maio no auditorio municipal da Xuventude.

Ínsua desde hai xa varios anos, reside no municipio de Cambados. Agora, os libreiros desta localidade quixeron recoñecer o seu labor e traxectoria como autor de varias obras. Por iso concedéronlle o premio Ramón Cabanillas, co que cada ano queren homenaxear a un autor galego. A entrega do galardón servirá tamén para festexar o Día dás Letras Galegas aínda que, nesta ocasión, entregarase catro días antes da data.

 Ínsua traballa actualmente como profesor de lingua no instituto A Basella, de Vilanova. É autor dunha tese sobre a figura de Antón Villar Ponche. Na súa biografía destaca tamén a súa colaboración en numerosas entidades. Así, é socio fundador e directivo do seminario de estudos Terra de Viveiro e membro do grupo etnográfico Mascato. Tamén é activista da asociación Prolingua, relatora en diversos simposios e co autor de varios libros de texto para bacharelato. Hai que destacar, ademais, a súa colaboración na elaboración de volumes colectivos como a historia da literatura galega.

EMILIO XOSÉ ÍNSUA LÓPEZ (Viveiro, 1967).

Doutor en Filoloxía Galega pola Universidade compostelá, cunha tese sobre a figura de Antón Villar Ponte (2002), traballa actualmente como profesor de Lingua e Literatura no IES A Basella, en Vilanova de Arousa.

Socio fundador e directivo do Seminario de Estudos "Terra de Viveiro", membro do Grupo Etnográfico “Mascato" (Cambados) e activista da asociación ProLingua, foi poñente en diversos simposios, co-autor de varios libros de texto para bacharelato (Consorcio Editorial Galego) e tomou parte na elaboración de volumes colectivos como Literatura Galega. Século XX (A Nosa Terra, 2001), Historia da Literatura Galega (A Nosa Terra/AS-PG), Plácido Castro e o seu tempo (Consellería de Cultura, 2006), Xornalistas con opinión. 20 biografías (Ed. Galaxia/Consello da Cultura Galega, 2007) e Cento vinte e cinco anos de teatro en galego (Ed. Galaxia /Xunta de Galicia, 2007).

Colaborador frecuente dos semanarios Heraldo de Vivero, A Peneira e A Nosa Terra, mantivo a sección "Letras do Salnés" no Faro de Vigo (edición Arousa) e ten achegado traballos a revistas, de divulgación ou especializadas, como Casahamlet, Escrita Contemporánea, Anuario Galego de Estudos Teatrais, Tempos Novos, A Trabe de Ouro, Xistral, Llengua i Dret e Cerna. Fai parte do consello de redacción da revista Ardentía, editada pola Federación Galega pola Cultura Marítima e Fluvial.

Preparou, asemade, diversas edicións críticas e estudos da poesía de Antonio Prados Ledesma e do teatro de Antón Villar Ponte para a Universidade da Coruña e para a “Biblioteca 120” e recibiu os premios “Irmandiños” (Moeche, 1996, accésit), por un estudo sobre o xornal Galicia da Irmandade da Fala de Ferrol, e o “Ramón Piñeiro de Ensaio Breve” (Centro Ramón Piñeiro, Santiago, 2004), polo traballo Antón e Ramón Villar Ponte: unha irmandade alén do sangue.

Xunto co Cronista de Viveiro, Carlos Nuevo Cal, foi distinguido en dúas edicións do premio “Ánxel Fole” (El Progreso/Fundación Caixa Galicia): en 2002, polo ensaio O primeiro Antón Villar Ponte, e en 2009, por Maruja Mallo: de prometedora pioneira a artista universal.

É autor, igualmente, dos estudos Sobre 'O Mariscal' de Cabanillas e Villar Ponte (Universidade da Coruña, 2005), Antón Villar Ponte e a Academia Galega (Edicións do Cumio, 2006) e Orixe, peripecia e pertinencia do topónimo San Cibrao (Cervo) (Seminario de Estudos Terra de Viveiro, 2010).

Como poeta, alén de ter participado na experiencia da editora “Letras de Cal”, escribiu os libros Devalar das esperas (Espiral Maior, 1995) e Acontece ás veces a ternura (Espiral Maior, 2005. Premio “Prados Ledesma” do Concello de Viveiro).