A detección dunha vertedura "de orixe descoñecida", segundo indicou Salvamento Marítimo, en augas da localidade pontevedresa de Cambados obrigou á Consellería do Mar a decretar o peche cautelar do polígono de bateas 'Cambados D'. Salvamento Marítimo foi alertado sobre as 12.00 horas deste martes da existencia dunha "vertedura de orixe descoñecida", con aparencia de "chapapote", e que se desprazaba de Cambados cara ao Grove, segundo informaron fontes deste organismo, que tamén precisaron que, nun principio, crese que esta vertedura "non é moi significativo". Ata o lugar, Salvamento Marítimo desprazou ás embarcacións 'Salvamar Sargadelos' e 'Salvamar Mirach', xunto coa lancha 'Marte', co obxectivo de avaliar a situación. Por outra banda, a Consellería do Mar, que ordenou o peche cautelar do citado polígono, desprazou ata Cambados a embarcación do Servizo de Gardacostas 'IP308', e así mesmo ordenou a extensión dunha barreira anticontaminante na zona, segundo precisaron fontes deste departamento.
Ningún comentario:
Publicar un comentario