O XUÍZ DE CAMBADOS, QUE SE VAI, CRE INCOMPRENSIBLE QUE NON SE REGULEN BEN AS INTERVENCIÓNS TELEFÓNICAS

O xuíz Juan Carlos Carballal considera "incomprensible que os políticos non regulen de forma clara e adecuada as intervencións telefónicas, que están facilitando a absolución de narcotraficantes ou a imposición de pequenas condenas".

Neste sentido manifestouse mentres recollía os seus obxectos persoais no despacho do Xulgado de Instrución numero 2 de cambados, preparando a súa marcha para un novo posto en Vigo.

Carballal dirixiu numerosos operativos contra o tráfico ilícito de estupefacientes, nun dos cales detivo a David Pérez Lago, fillastro de
Laureano Oubiña, e despídese coa incautación de 111 quilos de heroína, un dos maiores alixos intervidos en España.

Carballal e Irene Roura, dos xuices
que deixaron pegada en
Cambados.

Na súa opinión, as lagoas en escóitalas telefónicas permiten aos avogados dos narcotraficantes, antes de celebrarse o xuízo, chegar a un acordo co fiscal, que reduce a súa petición inicial de 15 a 3 ou 4 anos, porque as escoitas non están ben motivadas e temen que sexan rexeitadas polo tribunal.

"O réxime de comunicacións é necesario regulalo, presenta lagoas, pero non hai un deputado, un ministro ou un grupo parlamentario que poña o asunto sobre a mesa: É un problema político, e ao xuíz e ao fiscal gustaríanos ter un réxime máis claro", expuxo Carballal.

O xuíz comentou que outra das "materias pendentes" é a xestión dos bens incautados ás organizacións, pois chegan a deteriorarse e converterse en moitos casos en inservibles.

Na súa opinión, "debe haber un órgano que regule isto para evitarlle problemas ao xulgado" e recorda que "houbo moitos problemas co pazo Baión", polo que "é necesario darlle unha saída inmediata", porque "un xuíz non pode xestionar un hotel".

Valora que os medios melloren moito nos últimos anos, pero os narcotraficantes lograron mellorar tamén notablemente os seus métodos de actuación.

Carballal tamén estivo cos funcionarios "cando había que estar".

Así, sinala que "utilizan whats app e outras ferramentas de Internet, pero a policía dispón de medios suficientes para controlar os seus sistemas. O problema -comentou- téñeno co persoal e medios económicos".

               

Para unha mellor navegación por este blog  usa o navegador GOOGLE CHROME. Descarga GOOGLE CHROME premendo AQUÍ.