UNHA COMPLETA PROGRAMACIÓN DEPORTIVA NOS ESPERA TODOS OS DIAS EN RADIO SALNÉS.

Pouco a pouco imos coñecendo, ata a súa presentación oficial, a programación de Radio Salnés, neste caso acábanos de informar Fernando Charlin, un dos seus responsables en
que vai consistir esta vasta programación deportiva.  O programa como xa sabedes pódese escoitar nas frecuencias 107.9, 89.9 e 101.8. O programa de deportes comezará as 15 horas e rematará as 16 horas. 

Fernando Charlin, un dos
responsables de deportes

En principio o luns farase un comentario xeral do acontecido en todo fin de semana no deporte cambadés, resultados, clasificacións etc e un repaso tamén como andan os nosos principais clubs. O Martes adicarase integramente o fútbol base no que se incluirá unha entrevista a algún rapaz ou rapaza que destaque. Mentres o mércores  terán un tratamento especial o baloncesto, voleibol, tenis de mesa, natación e demais deportes. O Xoves, adicarase a entrevistas sobre todo con algún presidente ou adestrador. O venres informaranos amplamente de que vai acontecer o fin de semana con horarios de partidos e toda a información que precisemos para acudir os desprazamentos dos nosos equipos. 

Tamén nos informan que a partir de mañan xa sairán a antena novos programas de todas as novas da comarca e programas de música de produción “made in Cambados”.

Reitero o apoio deste humilde blog e a vosa disposición no que queirades.