NOVO ESCÁNDALO NO CABILDO DA CONFRARÍA DE CAMBADOS

UNHA MEMBRO DO CABILDO NON DIMITE PESE A COMETER PRESUNTAMENTE  UNHA FALTA GRAVE COMO MARISCADORA

Unha membro do Cabildo da Confraría de Cambados, e persoa de toda confianza do Patrón Maior  Benito González, na súa condición de mariscadora de a pe ,  cometeu unha falta grave prevista e penada polo Regulamento de Réxime Interior da Agrupación profesional de Mariscadoras de A Pe, pertencente a Confraría de Pescadores San Antonio de Cambados.

Ao parecer a membro do Cabildo en cuestión  levou tres quilogramos de ameixa sen pasar polo punto de control, feito que está considerado unha infracción grave, cuxa sanción acarrea, se é a primeira vez unha semana sen mariscar e como medida provisional  do procedemento sancionador podería ser retido o valor en lonxa da captura, durante o tempo de tramitación da resolución do expediente, e unha vez resolto este deberase devolver ou ingresar na conta da Agrupación segundo o sentido da resolución. 

Isabel Pérez, presidenta das mariscadoras de A Pe, debe e ten que tomar cartas no asunto e incoar o oportuno expediente sancionador contra esta mariscadora por unha falta grave, se non o fixera todas as mariscadoras terían dereito a levar marisco sen pasar por control e entón seria un caos. 

Hai quen di que a directiva das mariscadoras tenlle certo temor a esta mariscadora pois “coñece cousas” e parece ser, isto dito con todos as reservas, que non é a primeira vez que a membro do Cabildo de Benito Pelea, fai a mesma operación, a outra vez ao parecer  non saiu a luz pública..

Nin que dicir ten que esta señora debería de dimitir inmediatamente como membro do Cabildo, pero tendo o Presidente do mesmo a  Benito Gonzalez, imputado en dous asuntos por delitos moi graves, non é moi bo exemplo que digamos.

Estaremos atentos a resolución deste asunto e xa vos contaremos.