O PASEO DOS MISERABLES

MARIANO RAJOY DESPIDE AS SÚAS VACACIÓNS CUN PASEO 'CON CÁMARAS, PERO SEN MICROS'.
AMOSANDO NOVAMENTE A SÚA COBARDÍA.

Mariano Rajoy comezou as súas vacacións 'correndo' pola Ruta da Pedra e da Auga de Armenteira e acábaas paseando polo sendeiro do río Umia ao seu paso por Ponte Arnelas. Aínda quea diferenza do primeiro día, o presidente do Gobernofíxoo moito máis acompañado. Durante o paseo por esta contorna natural, duns 800 metros de lonxitude, arroupouno unha nutrida representación do Partido Popular.

Nun dos seus últimos días de vacacións, Rajoy deixouse fotografar en compañía, entre

outros, do presidente da Xunta, Alberto Núñez Feijóo; a ministra de Fomento, Ana Pastor; varios conselleiros do goberno galego como Jesús Vázquez, Alfonso Rueda, Rosa Quintana ou Agustín Hernández; o presidente da Deputación de Pontevedra, Rafael Louzán; ou numerosos alcaldes e deputados populares, entre eles o de Cambados Luis Aragunde.

Iso si, sen realizar ningún tipo de declaración aos xornalistas, aos que apenas permitiron achegarse á comitiva que rodeaba ao presidente do Goberno. Rajoy, que chegou no mesmo coche que Alberto Núñez Feijóo e Rafael Louzán, elixiu este enclave, preto de onde comezará este sábado a Vuelta Ciclista a España, para deixarse ver pola zona. Ademais, tiña prevista unha comida privada con varios dirixentes despois do paseo deste mediodía.

Este paseo de Mariano Rajoy por Ribadumia é unha das escasas aparicións públicas que o presidente do Goberno protagonizou desde que comezou as súas vacacións en A Casa de Alicia, un establecemento de turismo rural onde se aloxou durante varias semanas coa súa familia e

cunha axenda privada que o mantivo á marxe dos medios de comunicación, salvo contadas excepcións.

Estas vacacións pontevedresas de Rajoy, que este ano apenas puido gozar do seu piso en Sanxenxo ao optar por unha estancia máis tranquila, conclúen esteafin de semana. O luns retomará a súa axenda oficial e o vindeiro venres presidirá o primeiro Consello de Ministros tralo descanso estival. Pero non estará lonxe de Pontevedra moito tempo. Regresará o vindeiro sábado 31 de agosto para inaugurar o curso político no castelo de Soutomaior.

Volta novamente os escándalos.

E incrible como os directores dos periódicos se prestan a esta pantomima, despois parecelles mal que lles chamen “Medios do reximen”.

NOVA RECOLLIDA DE  PONTEVEDRA VIVA