LOUZÁN DECLARA ANTE O FISCAL SOBRE O SEU PATRIMONIO POLA DENUNCIA DUN PARTICULAR
O presidente da Deputación e do PP provincial, Rafael Louzán, prestou declaración este martes ante o fiscal de
Delitos Económicos de Pontevedra no marco dunha investigación aberta pola Fiscalía tras a denuncia dun particular en relación coa declaración de bens patrimoniais do político.
A investigación céntrase nun local comercial en Vigo
propiedade de Louzán e da súa esposa que teñen alugado supostamente por un prezo superior ao de mercado, segundo sinalaron fontes da Deputación.
 |
| Declaración de bens de Louzán (non o cree nin el) |
Fontes da Fiscalía indicaron que ao longo da xornada deste martes se decidirá se se pide ao xulgado que siga investigando e se impute a Louzán por un delito económico. O prazo para pedir esa imputación vence este mesmo
martes, segundo fontes xurídicas.
A Fiscalía chamouno a declarar para aclarar os termos dunha denuncia anónima presentada por un particular a raíz da Declaración Patrimonial que fixo pública a través da web oficial da Deputación Provincial. O denunciante consultou o documento e denunciouno. Trátase dunha declaración na que dá conta de que é propietario dunha
vivenda unifamiliar por un valor catastral de 152.197 euros, un apartamento por 26.353 euros, locais comerciais por 24.931 euros, dous terreos rústicos destinados a viñedo por 18.136 e 18.442 euros e outro terreo en proceso de concentración parceira por 31.712 euros, todo na provincia de Pontevedra.
O presidente da Deputación chegou aos xulgados da Parda a primeira hora deste martes acompañado pola súa muller e prestou declaración ante o fiscal de Delitos Económicos, Augusto Santaló. Entrou pola porta principal, pero abandonou os xulgados nun vehículo a través do garaxe dos xulgados para evitar a presenza da prensa.
Nova recollida de PONTEVEDRA VIVA
Ningún comentario:
Publicar un comentario