ALMA DE MAR 2012, UN BRANCO CON CRIANZA SOBRE LEAS FINAS. REFINADO E LIMPO ENCANTO EMOCIONAL DA FROITA MADURA ENVOLVEITA EN FLOR BRANCA, PEL DE CÍTRICOS E BALSÁMICOS
Cerca do mar para que beban o sal da súa brisa, plantadas en ondulado chan areoso e arxiloso, próximas ao río Umía,
cuxas augas dan vida e refrescan en tempos calorosos en Cambados, corazón mariñeiro do Salnés. As cepas da familia Alba Padín ofrecen cada ano un froito de altísima calidade, orixe dun dos novos albariños máis suxestivos dos últimos anos.
Coas máis vellas da súa pequena parcela O Pereiro elaboran este Alma de Mar. Un
albariño que toma dos clásicos a imprescindible crianza sobre leas finas. É a gran obra de Xurxo, o inquedo fillo que toma as rendas da bodega familiar e proxecta cada viño cunha prolongación do seu entusiasmo pola natureza e os seus
froitos. Filosofía que se manifesta con luminosa nitidez no seu aroma varietal.
Aquí o carballo sería un desatino. Negaríanos o refinado e limpo encanto emocional da froita madura (de óso e exótica) envolveita en flor branca, pel de cítricos e balsámicos. Goce aromático que en boca induce
pequenos arpexios sápidos, ondas gustativas de fastosidade bañada en mar, e que dotan de fluidez e serenidade o paso do viño cara ao seu final. Só sobra a insoportable pesadez da botella.
Alma de Mar 2012
-Bodega: Albamar. Castrelo, Cambados (Pontevedra).
-Web: www.bodegasalbamar.com.
-DO: Rías Baixas.
-Tipo: branco novo, 13%.
-Cepas: albariño.
-Prezo: 16 euros.
-Puntuación: 9,2/10.
Ningún comentario:
Publicar un comentario