A formación liderada por Fátima Abal presentou dous novos recursos ante o Valedor do Pobo, ante a negativa do concello a facilitar documentación requerida para poder exercer as labores de control propias da oposición.
Por unha banda, os socialistas presentaron unha instancia o pasado 27 de febreiro, solicitando o acceso aos movementos bancarios das contas do concello. Ademáis, tamén solicitaron o acceso ao rexistro de entradas e saídas do persoal mediante a pegada electrónica.
Poi ben, un mes despois, dende o concello non deron resposta a ningún dos requerimentos, motivo polo cal os socialistas volven, unha vez máis, a ter que recurrir a outras
instancias para que o concello faga o seu traballo.
Fátima Abal sinala que “unha das bases da democracia é o control que realiza a oposición ás accións do goberno. Para poder realizar ese control e esa vixilancia, é fundamental poder analizar toda a documentación para poder buscar calquer posible irregularidade. En Cambados, o goberno municipal non se toma en serio ese principio democrático
fundamental.”
“En Cambados –continúa a candidata socialista- Luís Aragunde non se cansa de desprezar á oposición, algo que como xa dixen en numerosas ocasións non é un desprezo ás concelleiras senón aos veciños e veciñas de Cambados, os cales teñen dereito a saber como actúa o seu concello. Por eso, non nos cansaremos de recurrir ás instancias que sexan necesarias, xa que parece ser que é a única forma de que reaccionen e fagan o seu traballo.”
AS FOTOS SON DA VISITA DE HOXE DOS SOCIALISTAS CAMBADESES AO PARLAMENTO DE GALICIA PARA INTRERESARSE POR UNHA AMBULANCIA MEDICALIZADA PARA O SALNÉS.
Ningún comentario:
Publicar un comentario