CONDENAN A ALIMENTOS JAVIMAR POR USO FRAUDULENTO DA DENOMINACIÓN DE ORIXE PROTEXIDA

A EMPRESA TEN A SEDE NO POLIGONO DE RIBADUMIA.

Alimentos Javimar debera retirar a
etiquetaxe fraudulenta

O xulgado mercantil número 1 de Pontevedra condenou á conservera Alimentos Javimar a indemnizar con 15.000 euros ao Consello Regulador de Mexillón de Galicia por competencia desleal ao usar de forma fraudulenta a

denominación de orixe protexida (DOP).

Alimentos Javimar empregaba na súa etiquetaxe lemas como'Das rías galegas', 'Fabricado en Galicia' ou 'Envasado en Galicia', polo que foi denunciada por Mexillón de Galicia en outubro de 2014.

Na sentenza determínase que Alimentos Javimar non forma parte da DOP polo que "non pode mostrar comercialmente o produto como procedente ou vinculado con Galicia", con independencia de se o produto comercializado é 'Mytilius Galloprovincialis' ou calquera outra especie de mexillón.

A sentenza, que non é firme e contra o que cabe interpoñer recurso de apelación ante a Audiencia de Pontevedra, obriga a empresa a retirar do mercado todos os produtos e material que, contravindo a norma europea, fagan referencia á orixe.

Nova recollida de PONTEVEDRA VIVA.