SE HAI 4 ANOS TÍÑAMOS UN CONCELLO "PERITA", QUE TEMOS AGORA?

Moitos de nós temos na retina aquelas estrafalarias declaracións do ex alcalde Luis Aragunde trasladando á opinión pública uns supostos comentarios da interventora dicindo “tenemos un concello perita”. Cando deixaba a alcaldía, deixaba tras de sí un concello que tardaba máis de 2 meses en pagar, con unha débeda de dous millóns e medio de euros e un saldo bancario que apenas daba para pagar os salarios os funcionarios da casa consistorial.

4 anos despois todos recoñecemos que o actual goberno de Cambados dirixido por 4 forzas políticas pode ter algún punto feble, pero un deles non será o económico, xa que a concellería de economía e facenda da man de Xurxo Charlín deixa unha situación económica practicamente inmellorable tras 4 anos nos que se minimizou a débeda ata chegar a unha terceira parte da que había en 2015, pagando a provedores en a penas 2 semanas e acabando o exercicio 2018 con un superavit de 622.000 € e un saldo bancario que triplica o que deixaba Aragunde.

Esta boa xestión, é tal, que incluso “A Alcaldesa” presume da xestión económica nos seus panfletos preelectorais a pesar de que esta é unha responsabilidade de Xurxo Charlín, edil de Somos Cambados. 

Esta é unha tendencia que temos posibilidade de ver en moitos concellos dos chamados “Do Cambio” que racha co estereotipo da dereita como boa xestora dos recursos e a esquerda como despilfarradora. Nesta tendencia o caso de Cambados non deixa de ser paradigmático pola baixada de impostos levada a cabo nestes 4 anos e o incremento do gasto social mentres facía fronte as súas obrigas e saía do plan de axuste no que nos deixou o Partido Popular.

Acabamos  repetindo a cuestión que encabeza o artigo: Se Luis dicía que deixaba un concello “Perita”, que non dirá da xestión do actual goberno de Cambados?