A ASOBLOG ACORDA FACER UN CONCURSO PARA CREAR O LOGO DA ASOCIACIÓN

O pasado 30 de xuño de 2012 tivo lugar no Hotel os Pazos de Cambados, practicamente a sede social da Asoblog, tivo lungar unha xuntanza  na que entre outros temas acordouse crear un concurso  aberto a tod@s @s interesad@s para crear
o logo da asociación.. O xurado estará constituído pola directiva da Asociación, algún representante empresarial cultural e algunha persoa destacada do ámbito do deseño e a arte. 

Decídese que a data límite de entrega dos logos sexa o venres 24 de agosto. Han de enviarse ao mail da Asociación asoblogsalnes@gmail.com se veñen en formato dixital ou á sede social da Asociación no Hotel Os Pazos se veñen en formato papel. A entrega do premio farase o sábado 1 de setembro. Acordouse tamén  que na próxima reunión se elaboren as bases do premio, coas correspondentes especificacións técnicas e tamén a creación dun cartel que permita a difusión do concurso.

Ademais Decídeuse establecer unha cuota de inscrición e anualidade de 5 euros para todos aqueles que desexen pertencer á Asociación coma socios ou socias. A cuota de inscrición valerá tamén como cuota anual do ano fiscal en curso. 

Tamén se acordou manter o grupo da Asociación en Facebook exclusiva para socios que nos permita comunicarnos internamente ou colgar documentos da Asociación ou dos socios e socias. Pero ademais decidiuse crear unha páxina que sirva de información para aquelas persoas que sen querer formar parte como socios ou socias queiran informarse das actividades da Asociación.

Non se descarta que durante este verán   se celebren recitais de poesía, e case seguro terán lugar  pola noite en lugares senlleiros de Cambados.

Por último acordouse convocar unha reunión para o xoves 5 de xullo ás 21 horas, de novo no Hotel os Pazos e contando coa desinteresada colaboración de Carmelo.

SI CHE PREGUNTAN EN CAMBADOS POR UN HOTEL, NON DUBIDES UN MOMENTO: 

HOTEL OS PAZOS