SERÁ O VINDEIRO NOVE DE NOVEMBRO NO CENTRO CULTURAL XACOBE CASTRO DE CORBILLÓN
O vindeiro sábado 9 de novembro, a partires das 18 horas , no centro Cultural Xacobe
Castro, heberá festa rachada da Asociación Cultural Xironsa, unha das mais festeiras da vila. Non faltarán as castañas, viño e doces variados e sobre todo moita festa, gaiteiros pandereteiras, baile tradicional, todo “made in Xironsa”.
O aire das frías noites do 1 e o 11 de novembro levou sempre en Galicia o recendo das castañas asadas. O Magosto era o tempo que os galegos reservaban para honra-las colleitas, despois do equinoccio, un costume que nestes últimos anos se intenta recuperar.
Proclamada de novo raíña, o queixume da castaña mentres é cociñada convida a compartir
con familiares e amigos as horas nocturnas alumeados polas faíscas da lareira e a luz das lapas baixo o ceo raso.
Ó rito que acompaña a noite no lle falta de nada. Festa de mozos e mozas, eles traen o viño tinto novo -o primeiro da colleita do ano-, mentres elas xuntan os froitos.
Para asalas colocase sobre o chan a foupa -agulla de piñeiro, toxo o loureiro- e enriba dispóñense as castañas, que serán cubertas por un novo manto de foupa. Cando está preparado, préndese o lume na capa de abaixo, que será a que sinale o ritmo da celebración, e en canto se apaguen as lapas indicará que as castañas están listas para comer. Con viño -nalgúns sitios adozado con mel-, chourizos e pan remata o suculento menú, e a sobremesa póñena os xogos, os contos de ánimas e monstros e a latricada.
Os nenos non faltarán ó seu divertido costume: collerán un puño de cinza e tisnarán as caras uns a outros, chanza que repetirán logo cos adultos. Entre carreiriñas, berros, tonas de castaña, anacos de chourizo, charlas e grolos irá transcorrendo calma unha noite especial que, doutra volta en torno ó lume, tenta irmandar ó galego cuns devanceiros ós que segue unido polo vencello da tradición.
Di o refrán: "Por san Martiño faise o magosto con castañas asadas e viño ou mosto".
Xironsa fiel a tradición non quere que estas fermosas constumes se perdan.
Ningún comentario:
Publicar un comentario