ATE O VINDEIRO LUNS AMIGOS, IMOS DE CONGRESO

RECUPERAR DEREITOS, DEFENDER O PÚBLICO, MANTER A DIGNIDADE

Co lema “Recuperar dereitos, defender o público e manter a

dignidade” non é casual que a CIG-Administración escollera este lema para o seu VI Congreso, que terá lugar o  22 e 23 de novembro en Allariz, a partir das 20:00 horas, do venres  coa recepción de congresistas, para rematar ás 20:00 horas do sábado co acto de clausura. Ali estaremos representado a CIG-XUSTIZA como delegado sindical  escollido polos compañeiros nas recentes eleccións celebradas para designación de delegados.

E non é casual porque precisamente durante estas xornadas se fará un percorrido polas agresións padecidas polos empregados e empregadas das administracións públicas en Galiza, nomeadamente as abusivas reducións salariais e perda de dereitos laborais decretados desde que comezou a crise; analizarase a grave situación na que se atopa o sector público, que ve perigar a súa supervivencia e calidade pola falta de persoal, tras da imposición de taxas de reposición do 0%, e por mor do proceso de privatizacións emprendido polos gobernos do PP en Galiza e no Estado.

Na sesión da tarde as/os 205 delegadas/os elixirán á dirección nacional que ha pilotar a federación para enfrontarse a estas políticas que esmagan os dereitos das e dos traballadores, que poñen en cuestión a súa dignidade e que pretenden deixar o sector público reducido á mínima expresión.

O domingo estaremos de marcha con Xironsa polo Barbanza,  ou sexa que vos desexo a todos un bo fin de semán.

UN SAUDO DE “CHON”.