LUIS I “EL QUERELLADO”, O UNICO ALCALDE DE CAMBADOS EN ACADAR TAL DISTINCIÓN

UNHA EMPRESA SE QUERELLA CONTRA O ALCALDE DE CAMBADOS POR FALSIFICACIÓN

ANOVA, UNICA FORMACIÓN POLITICA QUE SE PROUNCIO ATE O DIA DATA

Antes de nada pedirvos disculpas a todos os seguidores de “A TI MEU CAMBADOS”, toda vez que dende a madrugada

do venres para o sábado pasado un forte tormenta con  descarga  eléctrica causou danos  no noso servidor e non foi reparado ata hoxe e por iso poderedes ver algunhas novas que ao mellor xa vichedes en blogs tan famosos e coñecidos como “Alza la Voz Cambados”, ou “Cores de Cambados” entre outros. 

Non nos digades que unha das primeiras novas que publica este blog non é merecedora da vosa atención, e a primeira vez que un  Alcalde de Cambados é querelado por falsificación, e con este sobrenome  bautizamos a “Luis I El Querellado”.  

Unha firma constructora de Pontevedra reclama máis de 140.000 euros.

O dono dunha empresa constructora de Pontevedra presentou unha querella criminal contra o alcalde de Cambados, Luís Aragunde, por un presunto delito de falsificación de documento público. A demanda entrou en decembro e foi admitida a trámite. 

A querella se fundamenta nun suposto impago de algo máis de 140.000 euros, que a empresa reclama ao Concello de Cambados. O empresario sostén que realizou unha serie de traballos para a administración (entre eles a reforma da Casa Consistorial e do pazo de Torrado) que o Concello non llos abonou. 

MÁIS DE 140.000 EUROS 

Fontes consultadas indican que a empresa constructura reclama ao Concello de Cambados algo máis de 140.000 euros. Ao parecer, o problema xurdiu cando a Axencia Tributaria reclamou ao empresario o pago dos impostos derivados desa facturación, e este respondeu que o Concello de Cambados aínda non lle pagou. 

Entón, a Axencia Tributaria púxose en contacto co Concello reclamándolle a documentación desas facturas, e na administración local contestáronlle que non debían nada ao constructor. 

Este entón presentou as facturas con rexistro de entrada no Concello, pero parece ser que a administración municipal non as recoñece, por iso é polo

que a querella contra Aragunde sexa por suposta falsedad documental. A versión do alcalde é que non se recoñeceron ditas facturas porque o grupo de goberno e os técnicos municipais consideran que "non temos que pagar o sobrecusto das obras". 

Sexa como for, e vendo que a situación non se encauzaba, o empresario optou pola vía xudicial, e presentou unha querella contra Aragunde que foi admitida a trámite, polo que é probable que o alcalde de Cambados teña que pasar a declarar ante o xuíz nos próximos meses. 

NOVA RECOLLIDA EN PARTE DE FARO DE VIGO.

ANOVA, UNICA FORMACIÓN POLITICA QUE SE PRONUNCIO ATE O DA AGORA SOBRE A QUERELA.

ANOVA PIDE EXPLICACIÓNS E TRANSPARENCIA POLA QUERELLA CONTRA O ALCALDE DE CAMBADOS.

Sospeita que esta denuncia ten que ver coas malas prácticas xa denunciadas por ANOVA e pola propia interventora do Concello no informe das contas do Concello.

O Grupo Local de ANOVA – Irmandade Nacionalista en

Cambados a vista na nova aparecida nun medio de comunicación sobre a admisión a trámite dunha quérella xudicial contra o alcalde de Cambados por falsidade documental, quere facer públicas as seguintes consideracións:

Pola información da que se fai eco o xornal a denuncia fundaméntase na acusación de que o Concello de Cambados nega o recoñecemento a empresa dunhas

facturas presentadas por obras realizadas a maiores en diversos investimentos contratados polo Concello a esa empresa.  A empresa acusa de falsidade documental e polo importe reclamado, 140.000 euros o tipo de denuncia e penal.

E evidente que faise necesaria por parte do Concello de Cambados, a parte da obrigatoria colaboración coa xustiza en todo o que se lle demande, un urxente exercicio de transparencia.   ANOVA ante esta situación esixe “luz e taquígrafos”, que se publiquen os motivos e argumentos da denuncia e que se permita o

acceso a toda a documentación existente en relación con esas obras e o obxecto da denuncia.

Concretamente se a denuncia ten que ver con facturas de sobrecustes de obras contratadas, habería que comprobar como se realizaron esas contratacións, as condicións establecidas e, moi importante, as certificacións e informes dos técnicos municipais e de dirección de obra

sobre o desenvolvemento e recepción das obras por parte do Concello. No caso de non existir está documentación, o Concello de Cambados estaría metido “nun bo lio”.

Ademais no caso de ser obras que se financiaran con algunha subvención, tamén se deberían comprobar as cantidades económicas que o Concello xustificara para percibir a subvención, porque por aí tamén pode verse se existe ou non falsidade documental.    

Con respecto a investigación xudicial, ANOVA entende perfectamente a diferenza entre estar imputado, procesado ou condenado, e sendo certo que un imputado non é un encausado, non é menos certo que a citación como imputado fundamentaríase en indicios da participación nos feitos, por iso temos que pedir total colaboración coa xustiza, para que a investigación chegue ata o final.

ANOVA xa ten denunciado noutras ocasións as múltiples irregularidades existentes na xestión do Concello de Cambados, malas prácticas postas de manifesto incluso pola propia interventora municipal en múltiples informes e

reparos as contas municipais.  

Prácticas como contratacións de asesoría externa que se fan sen contrato de prestación de servizos, obras adxudicadas sen expediente de contratación nin informe técnico  ou consignación orzamentaria; ou facturas aprobadas sen xustificación do gasto son algunhas das irregularidades que enumerou a interventora municipal e que xa no seu día denunciara ANOVA, polo cal tampouco debería estrañarnos moito que

os motivos e argumentos desta denuncia contra o Concello fosen reais.

ANOVA tamén quere interpelar ao PP Galego e da Provincia de Pontevedra, para que os Señores Rueda, Louzán ou o propio Cores Touris resposten se este e o modelo de xestión que defenden para os Concellos do Partido Popular, e para que como responsables políticos da organización do Partido Popular tomen medidas para evitarlle aos veciños do Salnés o bochorno de ver a dous alcaldes en activo nos xulgados (Sanxenxo e Cambados).

FOTOS: GOOGLE