A ASOCIACIÓN CAMBADESA “ A TORRE EMBARCACIÓNS TRADICIONAIS" PASA A FORMAR PARTE DA FEDERACIÓN GALEGA POLA CULTURA MARÍTIMA E FLUVIAL

O pasado dia 15 de novembro  na asemblea que tivo lugar nos Estaleiros de Moaña en apoio a oposición do derrubo de dúas carpinterías de Ribeira, fíxose oficialmente a incorporacion da
asociación cambadesa "A Torre" na  "Federación Galega pola Cultura Marítima e Fluvial" onde foron axudados en

todo o posible no día a día e actividades que poideron facer. A Asociación casmbadesa agredece especialmente a Asociación Cultural Dorna polo apadriñamento para facer posible a sua incorporación, xa que neste ano axudaronos en todo o que puderon participando tamén na sua primeira regata. 

Fai uns sete anos, Emilio Peláez, un home ao que lle gustaba saír a navegar e que restaurou dous "loros" colleu como pupilos a un grupo de mozos de Cambados. Empezaron a saír os fins de semana, tanto nos "loros" como nun barco a vela. Aos

poucos aqueles mozos foron contaxiándose da paixón polo mar e as embarcacións antigas. Empezaron a quedar máis a miúdo, sobre todo no verán, e ao cabo dun tempo alguén propuxo a idea de crear unha asociación.

Vai facer dous  anos que  a Asociación Cultural de Embarcacións Tradicionais A Torre, un colectivo que fai uns meses solicitaron o seu ingreso na Federación Galega pola Cultura Marítima e Fluvial (FGCMF), e que agora conseguen,  e que pretendian estrearse este ano nas competicións de

dornas e chegaron a organizar unha regata a remos e por substitucións durante as festas da Valvanera, as principais do barrio cambadés de San Tome.

A asociación presídea Iago Otero Abella, e conta na actualidade cunha

quincena de membros, a maioría deles de entre 20 e 25 anos. Moitos deles son de San Tomei, fillos ou netos de pescadores, e o nome da Torre é unha homenaxe lóxica ao gran icono simbólico do barrio. 

Se queres ter coñecemento das súas actividades,  non tes mais que darlle a “Gustame” na súa páxina de facebook.

Para novas en xeral de Cambados, preme AQUI.

Para novas de deportes de Cambados, preme AQUI.