AS XUVENTUDES SOCIALISTAS DE GALICIA VIAXAN A BRUXELAS PARA COÑECER DE PRETO O FUNCIONAMENTO DA UNIÓN EUROPEA

O Plan de Garantía Xuvenil e o exilio económico serán as cuestións centrais a tratar na visita das XSG a Bruxelas 

As XSG manterán un encontro co europarlamentario galego José Blanco e
coa Voceira do PSOE no Parlamento Europeo Iratxe García

As Xuventudes Socialistas de Galicia viaxan esta semana a

Bruxelas para visitar o Parlamento Europeo e así coñecer in situ o funcionamento da Unión Europea e as súas institucións. 

O Secretario Xeral das XSG, Aitor Bouza, manifestou que “aproveitaremos que estamos nunha das sedes do Parlamento Europeo para trasladar a nosa preocupación polo Plan de Garantía Xuvenil, xa que é importante saber que vai a facer o

Goberno co diñeiro do programa. Nós propuxemos axudas directas á contratación e apoio á formación, mentres que o opción elixida polo PP de deducións fiscais ás empresas é un erro xa que a demanda está saturada”. 

“Estamos preocupados pola aplicación do Plan de Garantía Xuvenil no noso país e seguimos agardando a que o Sr. Feijoo diga tan sequera se sabe o que é este plan e en que consiste. Ao mellor está agardando para facelo en ano electoral como o plan de vivenda”, sentenciou o Secretario

Xeral. 

Neste senso, Bouza afirmou que “o exilio económico que están a padecer os mozos e mozas do noso país é unha cuestión de primeira orde que queremos trasladar aos nosos representantes para

encontrar solucións a este drama”. 

Ademais, as Xuventudes Socialistas de Galicia manterán un encontro co europarlamentario galego Pepe Blanco e coa Voceira do PSOE no Parlamento Europeo Iratxe García para trasladarlles as inquedanzas dos mozos e mozas de Galicia.