 |
| Treixadura (Foto Eduardo Apariz) |
O vindeiro sábado dous de xullo as 23 horas, o grupo Treixadura actuará en Carril co gallo do Encontro de Embarcacións Tradicionais presentando o seu novo disco “Esa si que é muiñada”. Este é o primeiro concerto do grupo despois da súa presentación oficial en Cambados a principios deste mes no Pazo a Capitana. TREIXADURA é sinónimo de música tradicional, ritmos, cantigas e instrumentos galegos que encaixan tanto nas romarías máis populares coma nas festas e eventos urbanos, co obxectivo de que o público goce bailando, cantando e escoitando música de seu. 15 músicos que proveñen de propostas musicais variadas e teñen en común o gusto e o respecto pola música tradicional, motivo abondo para que hoxe representen e dignifiquen este proxecto. A idea inicial, os primeiros anos, os concertos, as marchas e as novas incorporacións, os discos, o momento actual, o pasado e o presente de dúas décadas de música galega. Co seu derradeiro disco “Esa si que é muiñada” poñen fin a brillante e excepcional ciclo.
Ningún comentario:
Publicar un comentario