PRESENTACIÓN DE EXOGAMIA 0.3 E EL FRÍO AZUL DE RAMÓN CARIDE, EN ALLARIZ

A editora Xerais presenta no excepcional pobo de  Allariz dous libros do mestre e escritor afincado en Cambados,  Ramón Caride, “Exogamia 0.3” e “El frío azul” , serán presentados o vindeiro 29 de decembro na LIBRARÍA AIRA DAS LETRAS ás 20 horas. Acompañarán ao autor Manolo Busto (ilustrador de Exogamia 0.3), Alberto Canal, Jorge Emilio Bóveda e Manuel
Bragado. 

Exogamia 0.3: Exogamia 0.3: John Brockman sostén que a ciencia é a única noticia, o único verdadeiramente novo que hai hoxe sobre a Terra. Na ciencia sempre hai algo novo: internet, as células-nai, as vacinas contra a SIDA, as probas de ADN, os avances contra o alzhéimer, a loita contra o cambio climático. Ningunha empresa ten o monopolio dos números. Ningunha nación ten a soberanía sobre a adenina e a guanina. Ningún imperio goberna as ondas cuánticas, a astrofísica ou o cálculo diferencial. Hoxe debe haber sitio para todos na celebración do coñecemento, unha verdade que non se pode vender nin comprar nin impor pola forza, nin conter nin evitar. A ciencia é imparable. Exogamia 0.3 reúne media ducia de relatos, non estritamente literarios, suxestivos e non pechados, que permiten abrir un debate necesario sobre algúns dos temas candentes do noso tempo, cuestións nas que a ciencia é protagonista, problemas decisivos para a humanidade aos que ninguén pode quedar alleo. 

El frío azul : Ano 1517. Desafiando a unha gran nevada, un viaxeiro chega ao mosteiro de Oseira. Carga cun misterioso vulto e cunha gran tristeza no seu corazón, buscando unha explicación á súa gran desventura. Desexa ver ao abade do mosteiro, pero este demora o seu encontro para desesperación do mozo. Por fin, o señor do mosteiro chama ao viaxeiro e este recibe unha inesperada confesión do abade. Un estremecedor relato que fala de maxia, poder, morte e amor, pero tamén dunha maldición que estendeu as súas tentáculos ata o presente dos protagonistas. 

O autor :  Ramón Caride naceu en 1957. Licenciado en Bioloxía. Profesor de Ensino Secundario en Cambados. É colaborador de distintas publicacións literarias. Os seus primeiros libros foron os poemarios Paisaxe de verde chuvia (1986) e Todo quanto há non mundo (1989). Como novelista publicou os libros de relatos Vos ollos dá noite (1990), Crónica de sucesos (1991),Lumefrío (Xerais 1994), Fendas non tempo (1996), o conto Snuff movie, incluído en Narradores de cine (Xerais 1996), A incerteza dous paraísos (2000) e o relato Espazos de resistencia. 

Ramón Caride, de neno.

O autor :  Ramón Caride naceu en 1957. Licenciado en Bioloxía. Profesor de Ensino Secundario en Cambados. É colaborador de distintas publicacións literarias. Os seus primeiros libros foron os poemarios Paisaxe de verde chuvia (1986) e Todo quanto há non mundo (1989). Como novelista publicou os libros de relatos Vos ollos dá noite (1990), Crónica de sucesos (1991),Lumefrío (Xerais 1994), Fendas non tempo (1996), o conto Snuff movie, incluído en Narradores de cine (Xerais 1996), A incerteza dous paraísos (2000) e o relato Espazos de resistencia. 

          

Para unha mellor navegación por este blog  usa o navegador GOOGLE CHROME. Descarga GOOGLE CHROME premendo AQUÍ.