POÑERLLE O NOME DUN FRANQUISTA A UNHA RUA É PREVARICAR. ARAGUNDE QUERE UNHA RUA CO NOME DE FRAGA EN CAMBADOS.

Despois de funeral habido onte na honra de Fraga, un home que participou moi activamente  no goberno fascista do dictador Francisco Franco, o noso Alcalde Luis Aragunde sorprendeu a propios e extranos dicindo que tarde ou cedo haberá en Cambados una rúa que leve o seu nome, a idea non é de agora e xa quixeron poñer en vida do exministro de Franco os seus antecesores Toruis, Tirado e Pillado Montero, pero este negouse en redondo namentras seguira a exercer a politica. Fraga tiña moitos “lambecús” . Lembremos que xa houbo  unha rúa , mellor dito,  unha 
avenida co seu nome a actual Avda de Vilariño, nome que se puxo polo alcalde non democrático de Cambados Joaquin Fole, e que con moi bo criterio retirou do rueiro o Alcalde nacionalista Xan Antonio Pillado. 

Non imos entrar outra vez do que fixo ou deixou de  facer o ministro fascista de Franco en Cambados xa o dixemos no artigo “OS SUPOSTOS LOGROS DE FRAGA E OS AMIGOS CONTRABANDISTAS”, pero ningún fascista é merecedor de ter unha rua nunha vila dun pais democrático ainda que despoios abrazara a democracia por pura conveniencia. Hai cousas que non se esquecen de quen serviu o dictador  como os achegados de Julián Grimau, fusilado por orde dun Consello de Ministros do que formou parte; de Enrique Ruano, cuxo asasinato ás mans da Policía foi disfrazado por Fraga na prensa como un suicidio; e as familias dos traballadores de Vitoria, mortos por disparos da Policía sendo Fraga ministro de Gobernación, recordan o pasado escuro do fundador do PP.

Temos que lembrar que que o expresidente da Xunta "nunca se arrepentiu da súa participación na ditadura". Darlle o nome dunha rúa ao que fose ministro de Franco "iría contra a lei" de Memoria Histórica. Lembremos  que a lei "fala de protexer os espazos públicos para que non representen os que formaron parte dun réxime que secuestrou a democracia durante corenta anos". "E neste caso falamos dun home que foi entre outras cousas ministro da ditadura”. O político de Vilalba é "un dos grandes responsables da esperanza de vida do que se chamou franquismo sociolóxico". "E que trouxo ata noso días". "O que fixo foi formar parte dunha elite na ditadura e seguir formando parte dunha elite na democracia". Non caben interpretacións da lei "a lei o di claramente" que Fraga "nunca se arrepentiu da súa participación na ditadura".

Di o artigo 15, apartado primeiro da Lei de memoria Histórica: “As Administracións públicas, no exercicio das súas competencias, tomarán as medidas oportunas para a retirada de escudos, insignias, placas e outros obxectos ou mencións conmemorativas de exaltación, persoal ou colectiva, da sublevación militar, da Guerra Civil e da represión da Ditadura. Entre estas medidas poderá incluírse a retirada de subvencións ou axudas públicas”. Mais claro auga.

         

                        

Para unha mellor navegación por este blog  usa o navegador GOOGLE CHROME. Descarga GOOGLE CHROME premendo AQUÍ.