A TI MEU CAMBADOS ENTREVISTA A CARLOS BLANCO

“A TI MEU CAMBADOS” puxose en contacto con Carlos Blanco con motivo da súa actuación o vindeiro sábado na Discoteca A Pera para manter unha entrevista con él e atendeunos moi amablemente, sabemos que un home moi ocupado e tratamos de facer un entrevista corta pero amena.

A TI MEU CAMBADOS.- Como transcorreu o ano 2011 para Carlos Blanco, laboralmente falando?

CARLOS BLANCO.- 2011 foi un ano viaxeiro... Andei por Brasil un mes e pico, rodei en Lituania e Alacant "SILENCIO enla NIEVE" de G. Herrero ( que ven de se estrear nos cines), rodei en Barcelona outra peli "LA ESTRELLA" na que fago de marido de Carmen Machi (Aida de Tele5) e que, calcúlo, será estreada no festival de Malaga...unha curta en ValencIa con Rosario Pardo na que teño postas moitas esperanzas, una miniserie histórica para TVE... E moitas actuacións polo pais....e ata en Belxica...non me podo queixar.

Co0mo na foto de arriba, Carlos
Blanco na presentación do libro de
Unha Grande Chea

ATM.- Se non me trabuco coido que é a segunda vez que actuas na Pera, e perdo a conta en Cambados, como fas para “empaparte” das cousas cambadesas antes dunha actuación ou doutro pobo no que actues?

CB.- Pois eu coido que é, como mínimo, a terceira vez que vou actuar na PERA. Non fago nada especial, nin tento empaparme de nada, simplemente abro as orellas...tamén é certo que paso tempadas na Illa de Arousa e sempre miro as edicións de Arousa nos xornais, estea onde estea...cousas de ser da ría.

ATM.- En que faceta se desolve mellor Carlos Blanco, monologuista, cine teatro, tv, cal é o teu medio natural (si o tes)?.

CB.- Esta pregunta cae si ou si...Iso que o decidan e opinen os demais.

Eu con ter público que pague unha entrada por oirme ou un papel interesante que defender son feliz.

Carlos Blanco en "Silencio en la Nieve"

ATM.- Acabas de facer un papel secundario na pelicula española “Silencio en la Nieve” e tes participado en moitas outras no cine español incluido Almodovar. Esta a esperar Carlos Blanco o seu gran papel no cine? ou meramente unha cousa tanxencial.

CB.- Home, non quero ser cabronazo e darlle volta a pregunta: Consideras que Cambados, sendo una vila mais ou menos pequena, ten un"papel meramente tanxencial" na provincia? Pois eu tampouco.

Claro que agardo un papel importante no cine, pero son Capricornio, tenaz e paciente. Todo chegará se ten que chegar.

Carlos Blanco co libro de U.G.CH.

ATM.-Cando hai crise un onde quita cartos, e falo a nivel personal,  e das diversións, lectura, cine, teatro, me imaxino que os cómicos notadela especialmente non?

CB.- Pois os cómicos debemos ser dos poucos que non notámos a crise...outra cousa é que vai xente que nos ven ver beba menos ou faga menor gasto...

E os cartos sácoos do meu traballo, por suposto, afortunadamente hai moito, moito tempo que vivimos literalmente do público que paga a sua entrada onde actuamos. Un privilexio.

ATM.- O 3 de febreiro estas en vigo e 4 en Pontevedra  co que publicitariamente se di que é “Posiblemente o mellor show de humor galego” con Victor Fabregas e Quico Cadaval no espectáculo titulado “Noites de Retranca”, contame un poquiño algo deste traballo.

CB.-Pois NOITES de RETRANCA leva xa varias edicións, ainda que eu é a primeira na que participo.É un formato sinxelo, varios comicos ( neste caso, ademáis, amigos) que decidimos antes de cada actuación a orde e os contidos, ou mesmo se facemos algo conxuntamente... O caso e dárlle ao público duas horas de entretemento, e coido que o imos conseguindo.

ATM.- Traballar, non queda outra, todos os dias se pode ser, pero tes algun proxecto importante para o futuro ou é aquilo de que “o que vaia saindo”.

CB.-Pois o que vaia saindo, ainda que teño xa cousas contratadas ata Agosto...

Pero os proxectos (que son varios e inclúen un par de protagonistas no cine) son proxectos, e tal e como están as cousas e como se presentan ....probabelmente poucos deles poidan sair adante.

ATM.-Que aprendeu Carlos Blanco de aquel  Ladislao de “Mareas Vivas”  e viceversa.?

CB.-Uf...moitas cousas, sería longo de enumerar,aprendin moito como actor,aprendín que a fama da tele é perigosa e efémera....E Ladislao de min...nin idea.

ATM.-Ti crees que houbo un antes e un despois de “Mareas Vivas”, televisivamente falando?

CB.-En Galicia pode que si.

ATM.- A miña mais profunda admiración como persoa e como cómico e moita sorte e moitas éxitos e grazas.

CB.-Grazas polas tuas palabras finais. Déixoche que ando liadisimo e isto come un mundo de tempo.

         

                        

Para unha mellor navegación por este blog  usa o navegador GOOGLE CHROME. Descarga GOOGLE CHROME premendo AQUÍ.