OS CAMBADESES SUSO MIGUEZ E MIGUEL OUBIÑA CAMPIÓNS DO XIV RALLY RIAS BAIXAS DE CLÁSICOS

Suso Míguez e Miguel Oubiña, aos mandos dun BMW 1602 de 1974, impuxéronse na proba.

Cincuenta xoias da historia do automóbil percorreron onte os máis de trescentos quilómetros da XIV edición do Rally Rías Baixas Faro de Vigo de clásicos que partiu á primeira hora de Vigo e concluíu no 
recinto feiral de Amio en Santiago de Compostela. Un espectáculo para a vista e para os afeccionados a esta clase de pezas de colección.

Suso Míguez e Miguel Oubiña, pilotando un BMW 1602 do ano 1974, conseguiron a vitoria tras superar no último control horario da carreira ao BMW 2002 de Willy Rodríguez e Edu González, líderes da proba durante a maior parte da xornada.

Suso Miguez

Unha vitoria con dobre mérito pois o vehículo vencedor conta co hándicap de non dispor dun equipo medidor adicional a bordo.

A primeira sección do Rallye ,na que se tiveron que anular os tramos de Ponte Caldelas e Pontebora pola desaparición dos sinais que afectaban ao libro de ruta, concluíu co vehículo de Rodríguez e González empolicado á primeira posición, seguido do Fiat 124 Spider 1600 de Juan Sirvent e Ana Saborido, a 5 puntos, e do BMW 1602 de Jesús Míguez e Miguel Oubiña, terceiros e a 6 puntos do líder provisional.

A segunda e última sección do rally levou aos participantes desde Caldas de Reis ata Santiago de Compostela, nun percorrido formado polas especiais cronometradas de Paradela, Cruz de Avelán, Xestoso, Liñao e Negreira. Sección que se converteu nun man a man entre os dous BMW. O "2002" comezou a tarde igual de forte a como terminou a mañá, defendendo o primeiro posto con uñas e dentes, pero o "1602" de Suso Míguez e Miguel Oubiña creu na remontada e logrou superar ao vehículo de Willy Rodríguez e Edu González nos últimos quilómetros do rallye. Míguez-Oubiña lograron ademais o primeiro posto na categoría "G", destinada a vehículos producidos entre os anos 71 e 78, mentres que Willy Rodríguez e Edu González foron segundos. Miguel Carrero e Pablo Veloso, cun Authi Mini Cooper, completaron o podio desa clase.

A terceira posición da xeneral final absoluta do rally ocupouna o equipo formado por Manuel Ferreira e Fran Forjanes, sendo ademais vencedores da categoría "E", na que se encadran os vehículos fabricados entre os anos 46 ao 60.

O Trofeo Escuadra Rías Baixas ao mellor equipo do Slalom que se celebrou no recinto Feiral de Amio levoullo o Seat 1430 de Guillermo Sousa e Antonio Lago. Esta especial non puntuou para a clasificación xeral final do Rallye e non gañou o máis regular senón o máis espectacular e hábil en realizar o percorrido. Finalmente completaron o rallye un total de 47 equipos dos 51 que tomaron a saída ás dez da mañá na Praza do Rei de Vigo.

CLASIFICACION.

CONTROIS.

    

                        

Para unha mellor navegación por este blog  usa o navegador GOOGLE CHROME. Descarga GOOGLE CHROME premendo AQUÍ.