TREIXADURA EN ARZÚA

Dende 1975 celébrase esta festa gastronómica onde a música ocupa un lugar destacado.  A localidade de Arzúa, parte do histórico trazado que percorre o Camiño de Santiago e berce dos mellores queixos galegos, converterase os días 3 e 4 de marzo tamén nun destino preferente para todos os afeccionados á música que saben da tradición

dun festival polo que xa pasaron decenas de grupos nacionais e internacionais, dende Los Enemigos a Vetusta Morla pasando por Rinôçerôse, no que nunca falta unha importante representación da música galega. 

Traixadura fai mais de vinte anos.

Na xornada do sábado, que como vén sendo tradición estará dedicado ao rock, pop, mestizaxe, funk e hip hop, terá lugar a presentación do último proxecto creado polo zaragozano Javier Ibarra aka Kase acompañado polo cuarteto de músicos Jazz Magnetism irmandan as raíces de dúas expresións musicais, jazz e hip hop, nacidas na comunidade afroamericana estadounidense que barreron fronteiras para converterse nun legado universal. O fin de festa desta noite virá por conta de Sammy Jo DJ, residente no club barcelonés Razzmatazz e disc jockey oficial nas xiras de Scissor Sisters. Para o domingo a programación musical da Festa do Queixo garda un sitio para a música tradicional galega coa actuación de Treixadura, grupo xurdido hai dúas décadas enRedondela (Pontevedra) tras a unión dos gaiteiros Antón e Xan López, Xaquín Xesteira e Xabier Martínez, que toma o seu nome do dunha uva branca autóctona. A súa traxectoria bota catro discos publicados e numerosas colaboracións en diferentes proxectos, un dos cales realizado en 2001 xunto a Rodrigo Romaní (Milladoiro) converteríase na semente da actual agrupación composta por quince músicos entregados a difundir os ritmos e cantigas propias desta terra. Para completar a oferta e achegar un valor engadido á programación musical preséntase a cuarta edición do Queixo Maquetón, un concurso para novas bandas que este ano bateu a súa record de inscricións con cento trece grupos participantes. Os gañadores recibirán un premio en metálico e ofrecerán un concerto nesta trixésimo segunda edición da Festa do Queixo.

          

                        

Para unha mellor navegación por este blog  usa o navegador GOOGLE CHROME. Descarga GOOGLE CHROME premendo AQUÍ.