MANOLO PAZ E FRANCISCO LEIRO PROTAGONISTAS DE “GALLECIA PETRAE”.ABRIRÁ AS PORTAS NA SEGUNDA QUINCENA DE XUÑO EN GAIAS.

Unha mostra faraónica para o museo.

O Museo de Galicia, último edificio inaugurado no complexo de Gaiás, abrirá as súas portas na segunda quincena de xuño cunha gran exposición dedicada á historia da pedra en Galicia. Haberá que esperar a vela para xulgar o resultado final, pero do que non hai dúbida é que terá dimensións e custos faraónicos.

O orzamento de Gallaecia Petrea ascende a 1,5 millóns de euros, dos que case a metade investiranse na montaxe. A maioría de expertos en arte que visitaron o museo coinciden na dificultade para deseñar exposicións nun espazo de dimensións enormes e, ao mesmo tempo, con poucos muros dispoñibles para colgar obras de arte. Con diñeiro case todo arránxase, pero nestes tempos non abunda.

Obra de Manolo Paz en Triana - Fefiñans

Para dar unha idea do elevado custo de Gallaecia Petrea pode servir como exemplo a recente mostra que dedicou o Centro Galego de Arte Contemporaneo ao fotógrafo canadense Jeff Wall, unha gran figura da arte internacional, que contou cun orzamento próximo ao medio millón de euros. O custo da próxima mostra no Gaiás equivale ao gasto expositivo do CGAC nun ano e supera ao orzamento anual do Marco de Vigo.

O Baco de Leiro en Cambados

O exdirector do CGAC, Miguel Fernández Cid, é o coordinador dos seis comisarios cos que conta Gallaecia Petrea. A exposición fará un repaso da historia da pedra en Galicia desde a Prehistoria ata os nosos días. Virán pezas doutros territorios como Asturias e o norte de Portugal. Os escultores Francisco Leiro e Manolo Paz, entre outros, realizan pezas para un proxecto que contará tamén con abundante material audiovisual.

Logo de case ano e medio de funcionamento a Cidade da Cultura empeza a dar sinais das dificultades para dotala de contido e facela máis atractiva para os visitantes. Fronte ás preto de 332.000 persoas que pasaron polo recinto do Gaiás durante o ano pasado, no que vai deste exercicio as cifras son máis modestas e limítanse a preto de 80.000 visitantes rexistrados ata a primeira quincena de maio. Seguramente a explicación é que se vai esgotando o tirón de público que se desprazaba para ver o recinto en si mesmo. O problema é que máis aló de admirar a arquitectura dos edificios xa construídos e ver os buracos nos que se ían a situar os dous que están paralizados non hai moito que facer no Gaiás

          

Para unha mellor navegación por este blog  usa o navegador GOOGLE CHROME. Descarga GOOGLE CHROME premendo AQUÍ.