SEGUEN AS OBRAS NO PINAL DE MAZA SEN LICENCIA E O CONCELLEIRO JUAN RAMIRO DO PP, SEGUE SEN DEMITIR.

O BNG no seu blog  informanos que acababa de presentar  un  escrito no Concello de Cambados, no que noutras cousas decia  que as obras que se estaban a facer ali e nos que aparecen directamente implicados un concelleiro do PP concretamente Juan Ramiro e o Delegado na Xunta en Pontevedra Touris, carecían de licenza municipal e dos preceptivos informes favorables doutros
organismos autonómicos (Consellería de Medio Rural, Consellería de Medio Ambiente, Territorio e Infraestructuras e Comisión Territorial de Patrimonio Histórico de Pontevedra).  

Continua decindo o BNG no mesmo escrito que  hai uns días, nas citadas obras, fixo acto de presenza a Policía Municipal de Cambados alertada polos veciños do lugar que se queixaban de que se estaba a realizar unha operación molesta na que se producía un denso po branco que estaba a chegar ás vivendas próximas  (posiblemente estaba a realizarse a calcificación dos citados terreos), razón pola cal e o BNG ven de facer as seguintes preguntas: 

Juan Ramiro segue , pese a todo, sen demitir.

 1.- Teñen licenza municipal as obras (expediente nº 46/2012 e expediente nº 81/2012), de movemento de terras para  plantación de viñedos solicitadas por Dismaterra SL e por Cancelo CB, no lugar denominado “Pinal de Maza”, na Modia (Vilariño)?

2.- Contan, ditas obras, cos preceptivos informes favorables de organismos con competencia na materia: Consellería de Medio Rural, Consellería de Medio Ambiente e Comisión Territorial de Patrimonio Histórico de Pontevedra?

3.- Encargou o concello algún tipo de estudo do lugar denominado “Pinal de Maza”, na Modia, que xustifique por razóns de interese público  (artº 94 da Lei 9/2002 de Ordenación Urbanística e Protección do Medio Rural de Galicia) a modificación dunha zona de protección forestal, como a citada,  noutra de usos agrarios?

4.- Iniciou algún trámite o concello para proceder a unha modificación puntual das Normas Subsidiarias actualmente vixentes no espazo ocupado polo “Pinal de Maza”?

5.- Se estas obras no “Pinal de Maza” (expediente nº 46/2012 e expediente nº 81/2012) carecen de licenza municipal, ditou o concello orde de paralización das mesmas?

6.- Abriu o concello, se procede,  o correspondente expediente de legalización das mesmas?

7.- En caso de que non proceda a legalización das citadas obras, iniciou o concello o  expediente sancionador e de reposición ao estado en que estaban os terreos con anterioridade das actuacións ilegais que se fixeron no “Pinal de Maza”?

8.- Se a Policía Local de Cambados ten aberto algún atestado ou expediente por algunha  actuación irregular nas citadas obras? E, en caso afirmativo, podería ser consultado polo grupo municipal do BNG.

Lamentablemente o Alcalde Cambados  coa sua falta de transparencia e opacidade a que nos ten acostumados contestará con monosilabos seguramente a estas preguntas no seguinte pleno, cun pouco de sorte, burlándose así novamente dos veciños de Cambados, facéndose dalgún xeito complice dos feitos que se denunciaron publicamente polo BNG tanto na prensa como no Parlamento de Galicia.

           

Para unha mellor navegación por este blog  usa o navegador GOOGLE CHROME. Descarga GOOGLE CHROME premendo AQUÍ.