“MAMONEO” ENTRE AS COMISIÓNS DE FESTAS E O PP.

En Cambados temos a sorte ou desgraza, depende como o mires de coñecernos todos, isto un a veces non sabe si é bo ou é malo, o que si é evidente que é un feito verídico. Moitas
veces en conversacións de bares ou de amigos, sobre todos os que peiteamos canas, sempre xurde este tema e case sempre a conversa remata coa frase que titula este artigo. 

Non vou a ser  eu o que descubra a fórmula da relatividade se digo que o 99% dos presidentes da Comisión de Festas son ou militantes ou simpatizantes do PP e algúns deles activísimos militantes diría eu. É lóxico doutra banda que cada un poida ser militante ou simpatizante do partido que el queira, pero cando se ostenta un cargo público hai que ser consciente do cargo que se ocupa e deixar os partidos a un lado. Isto non sucede na realidade xa que o PP controla , repito o 99% das Comisións de Festas e estas non deixan de ser , a veces, uns instrumentos moi válidos para dende elas facer política favorábel  ao  PP ou do seu Alcalde. O caso mais claro témolo no do presidente da Comisión de Festas da Val venera, a súa vez presidente da Sociedade Cultural , e a súa vez repartidor de propaganda electoral do PP nos comicios electorais cando non o vemos de apoderado o día das eleccións. Isto é verdade e hai que dicilo. 

Ningunha comisión de festas, agás a da Virxe das Angustias, ten a delicadeza de invitar os portavoces da oposición tanto do PSOE como do BNG, os actos que organizan publicamente estas comisións, cando a veces non so invitan o Alcalde incluso teño visto en mais dunha procesión a tres ou catro concelleiros do PP como por exemplo este ano na de Santa Mariña. Isto non só é unha falta de respecto os partidos antes referidos senón que tamén é unha falta de respecto a case a metade do pobo de Cambados que vota a estas dúas formacións políticas, outra cousa é si as formacións deciden ir ou non, pero ti polo menos ten a delicadeza de invitalos.. 

Podemolos ver felicitando o alcalde na sede do PP

Dun tempo a esta parte xa hai moita xente que nega a darlle donativo algún a certas comisións de festas pola súa implicación política e directa co Partido Popular, lémbrome perfectamente cando foi do debate das pasadas eleccións locais no  Auditorio da Xuventude como o presidente dunha Comisión de Festas moi importante de Cambados, arengaba o publico a insultar o candidato do PSOE, foi lamentable.Hai algún que outro presidente de Comisión de Festas que ate ten a súa filla traballando no concello. Non quero dicir tampouco que todos os integrantes ou directivos das comisión de festas sexan do PP, pero eles saben a quen teñen como presidente e  de que pe coxean, aínda que si sei que hai xente que traballa a cóbado partido pola comisión sen importarlle o ideario político da mesma, e nalgúns casos ata me consta persoalmente.. 

Ou en algún mitin deste partido

Despois tamén lle hai que dicir a verdade a xente cando se lle vai pedir un donativo e dicir que moitas das cousas que contratan, gaiteiros, músicos, bebidas, xantares, etc. son pagados polo concello e as actas de goberno me remito.

Fixádevos a onde chega o “mamoneo” que nunha ocasión un membro do BNG doulle propaganda electoral desta formación a un presidente dunha comisión de festas e non lla quixo, obviamente este presidente foille a pedir para a festa en cuestión a este paisano,  xa sabedes a resposta do membro do BNG, educadamente díxolle, “vaite pedir a outra porta”.  Eu tamén xa empezo a estar canso deste mamoneo de “pacotilla” e non estaría mal que cada Comisión de festas o remate das mesmas fixera  pública as súas contas, así moitos cambadeses ficariamos mais tranquilos.  ¿Por queé, quen nos di a nos que non todos os cartos se empregan na festa en cuestión?. Ningún lle di que non pertenzan a un partido político, pero mentres sexas presidente dunha Comisión de Festas, mídete, cando menos, un pouquiño e mais publicamente.. Outro día falaremos de certas asociacións e a seu vinculación tamén co PP.