O padroado da Asociación Cultural O Brado da Estrada deu a coñecer onte os nomes das persoas e entidades que recibirán este ano os seus Premios San Martiño de Normalización Lingüística, uns galardóns que se entregarán o próximo 15 de novembro no Teatro Principal da Estrada. Como é tradición,
este colectivo quixo significar o labor desenvolvido para a defensa do idioma no ámbito da comarca de Tabeirós-Terra de Montes, no plano autonómico e o labor de toda unha vida de impulso á normalización do galego nos máis diversos campos.
este colectivo quixo significar o labor desenvolvido para a defensa do idioma no ámbito da comarca de Tabeirós-Terra de Montes, no plano autonómico e o labor de toda unha vida de impulso á normalización do galego nos máis diversos campos.
Desde fai xa 22 anos, A Estrada premia a defensa do galego.
Cun sinxelo xesto recoñécese o traballo de persoas e entidades que, nos máis diversos campos, plantan a bandeira dun idioma que lle é propio e que loitan por normalizar en todos os ámbitos da sociedade, comezado polo seu. O padroado da asociación cultural O Brado reuniuse na noite do mércores para fallar a presente edición dos Premios San Martiño de Normalización Lingüística, galardóns que serán entregados nun acto público e aberto ao público en xeral o próximo 15 de novembro. Será ás 20.00 horas no Teatro Principal da vila.
Cun sinxelo xesto recoñécese o traballo de persoas e entidades que, nos máis diversos campos, plantan a bandeira dun idioma que lle é propio e que loitan por normalizar en todos os ámbitos da sociedade, comezado polo seu. O padroado da asociación cultural O Brado reuniuse na noite do mércores para fallar a presente edición dos Premios San Martiño de Normalización Lingüística, galardóns que serán entregados nun acto público e aberto ao público en xeral o próximo 15 de novembro. Será ás 20.00 horas no Teatro Principal da vila.
Como cada ano, O Brado quixo distinguir neste 2012 a defensa do galego na Estrada e a comarca de Tabeirós-Terra de Montes, Galicia enteira e toda unha vida de cultivo e impulso do idioma. Na categoría que significa o labor de difusión do galego no ámbito comarcal resolveuse outorgar o galardón a Ramón Campos Suárez. O premio á normalización no ámbito galego será entregado a Treixadura e polo traballo en favor desta lingua durante toda unha vida homenaxearase a Francisco Novoa Rodríguez.
A asociación cultural que impulsa estes premios -o seu padroado está formado por Xosé López Vilariño, Juan Constenla, Manuel Sanmartín Obelleiro, Afonso Vázquez, Félix Rodríguez, Henrique Vázquez, Lourdes Doo, Iván Sanmartín, Carlos Andújar, Olaia Barreiro e Xurxo Andión- quixo ofrecer onte, tras dar a coñecer o nome dos premiados da presente edición, os motivos que xustifican a elección destas dúas persoas e da citada agrupación a través dunha reseña de cada un deles.
Así, no caso de Ramón Campos Suárez indicouse que este licenciado en Teoloxía, naceu en Cuntis no ano 1942. Iniciou estudos no seminario de Santiago en 1956. Tras a súa carreira sacerdotal, ordenouse no ano 1968 nun congreso eucarístico celebrado en Sevilla.
O seu primeiro destino como sacerdote foi San Bartolomé, en Pontevedra, pasando despois por Pontecarreira. Desde o ano 1978 exerce como cura párroco nas parroquias estradenses de Santa Cristina de Vexa e Cora. Ademais do seu labor como cura, outra das facetas que fan moi coñecido a Ramón Campos é o seu traballo como profesor de relixión no IES Manuel García Barros da vila, onde tamén comezou en 1978 a impartir docencia. Fíxoo ata a súa xubilación, en 2007. Actualmente continúa exercendo como párroco en Santa Cristina, Cora, Santeles, Paradela e Aguións. O Brado destaca que sempre fixo uso nos seus oficios da lingua galega, empregando tamén este idioma para impartir as súas clases.
O seu primeiro destino como sacerdote foi San Bartolomé, en Pontevedra, pasando despois por Pontecarreira. Desde o ano 1978 exerce como cura párroco nas parroquias estradenses de Santa Cristina de Vexa e Cora. Ademais do seu labor como cura, outra das facetas que fan moi coñecido a Ramón Campos é o seu traballo como profesor de relixión no IES Manuel García Barros da vila, onde tamén comezou en 1978 a impartir docencia. Fíxoo ata a súa xubilación, en 2007. Actualmente continúa exercendo como párroco en Santa Cristina, Cora, Santeles, Paradela e Aguións. O Brado destaca que sempre fixo uso nos seus oficios da lingua galega, empregando tamén este idioma para impartir as súas clases.
En canto a Treixadura, trátase dun grupo de música tradicional galega que basea o seu discurso musical no canto e a gaita. O seu proxecto é unha proposta de música tradicional galega que busca incitar ao baile, ao canto colectivo e escóitaa, sentindo e gozando do patrimonio musical galego. Conta con gaitas, acordeón, panderos, pandereitas, tambores, bombos ou cunchas, instrumentos tradicionais que arroupan dez voces para interpretar muiñeiras, foliadas, xotas ou alalás, entre outras pezas dun amplísimo repertorio. Na actualidade está formado por cinco músicos que integran Treixadura Gaiteiros e dez voces, o Orfeón Treixadura.
Cos meus "idolos". parabéns a todos. |
Os tres galardoados gozarán o próximo 15 de novembro da festa do idioma que A Estrada celebra sempre coa chegada do mes do San Martiño. Os seus nomes pasarán a integrar a xa longa nómina de premiados, alicerces sobre os que se sustenta o impulso normalizador do idioma galego.
Ningún comentario:
Publicar un comentario