EDUARDO BAAMONDE, PINTOR AFINCADO EN CAMBADOS PRESENTA O SEU LIBRO DE ILUSTRACIÓNS

As librarias cambadesas Ramón Cabanillas e Contos, presentan o vindeiro xoves 13 de decembro as 20 horas no Auditorio de Cambados o libro editado por factoria K de libros
 titulado “Cambados” un caderno de acuarelas para percorrer os recunchos con máis encanto de Cambados, guándose cun mapa e anotando nas súas páxinas as impresións personais do visitante: Paisaxe, arquitectura, mar, luz , pedra… O libro consta de 48 páxinas e sae cun prezo de 14 €. Está dispoñibel en Galego, Castelán e inglés.

Eduardo naceu en Vilalba (Lugo) no 1962. En Santiago cursa estudios de Historia da Arte, de Museoloxía e de Artes e Oficios. Dende 1988 exerce como profesor de Debuxo no Ensino Medio,con destino na actualidade no I.E.S. de Vilalonga (Sanxenxo). Amante do deseño gráfico e da pintura empeza a crear imaxes e a expoñer a principios dos oitenta. Nos últimos anos participa con asiduidade nos certames de pintura rápida, acadando varios premios e recoñecementos. Tamén é de destacar a súa actividade como ilustrador, pois publicáronse recentemente dous textos de Ramón Caride ilustrados enteiramente por Baamonde (Ed. Everest).  

LIBRO DE ILUSTRACIÓN DE EDUARDO BAAMONDE

Publish at Calameo or read more publications.