NAVA CASTRO “COMPAÑEIRA” DE PARTIDO DO ALCALDE DE CAMBADOS, E ASIDUA DO NOSO POBO, “BAIXO SOSPEITA”

FAI UNS DIAS FOI “HOMENAXEADA” EN CAMBADOS POLO CONSORCIO PRESIDIDO POR MARCOS GONZALEZ.

INVESTIGAN A DEPUTADA DO PP  SE PREVARICOU AO NEGAR UN PERMISO.

NAVA CASTRO DESAUTORIZOU “ARBITRARIAMENTE”  UNHA FEIRA CANDO ERA DIRECTORA XERAL DE COMERCIO

Á exalcaldesa de Ponteareas, exdirectora xeral do comercio e deputada autonómica do PP, Nava Castro Domínguez, pode custarlle moi cara a decisión «arbitraria», así tipificada nun auto da Audiencia Provincial da Coruña, que tomou o pasado mes de marzo ao abortar a celebración da feira de oportunidades Santiago Outlet só unhas horas antes do seu inicio, cando os organizadores xa incorreran en gastos publicitarios e de xestión valorados en 50.000 euros. 

A Xustiza entende que a entón directora xeral de Comercio da Xunta puido cometer un delito de prevaricación administrativa ao denegar o permiso a devandita feira baseándose en datos erróneos e nun informe que non era nin preceptivo nin vinculante.

A denegación do permiso foi remitido por correo electrónico aos organizadores a tarde do día anterior ao comezo da feira, cando a maioría dos expositores estaban montados e xa se gastaron 4.226 euros en cartelería, outros tantos en publicidade en prensa, 5.500 euros en enmoquetar o recinto de Amio e 4.000 euros en montaxes, á vez que se contratou a tres coidadoras e a cinco azafatas para asistir ao público. Segundo o auto da Audiencia Provincial da Coruña, «constitúe unha conduta arbitraria», reflicte o auto, e pode ser constitutivo dun delito de prevaricación administrativa.

O CONSORCIO, DESTACA O LABOR DA EXDIRECTORA NAVA CASTRO ESTANDO XA QUERELADA POR ESTE PRESUNTO DELITO. 

O Consorcio do Comercio do Salnés ofreceu fai uns  días unha comida de agradecemento á que foi directora xeral de Comercio da Xunta durante os últimos catro anos, pola súa sensibilidade en canto aos problemas e necesidades do sector na comarca e o seu traballo a favor da procura de solucións e o apoio ofrecido. 

O evento celebrouse nun coñecido restaurante da capital do albariño e reuniu a membros da directiva do consorcio, entre eles o seu presidente, Marcos González. Consistiu nunha comida pero ademais, entregáronlle un detalle á exdirectora que agradeceu as mostras de afecto., Nava  nestas datas xa estaba baixo investigación xudicial.

Segundo González, o fin desta reunión era recoñecer o labor desempeñado por Nava Castro á fronte da dirección xeral de Comercio da Xunta durante os catro anos que ocupou o cargo. Así como “a labor que fixo en defensa do pequeno comercio. Para agradecerlle a predisposición que sempre amosou en axudar ao comercio de proximidade dá comarca do Salnés, e ou interese amosado por solucionar vos problemas cos que se ten que enfrontar día a día ou pequeno comercio”, engadiron desde o Consorcio. A Audiencia Pronvial de A Coruña, obviamente non pensa o mesmo que Marcos e manda continuar o proceso por prevaricación contra a individua en cuestión,. 

Esta entidade mostrouse agradecida pola atención prestada por Castro a este sector que non é alleo á difícil situación económica que atravesa o país. 

De feito, atópase inmerso nunha profunda crise que organizacións como o Consorcio tratan de paliar mediante diferentes propostas. Así, non só pon en marcha campañas en datas sinaladas como o Nadal, senón que tamén tratan de buscar acordos que axuden aos seus asociados a superar as dificultades. De feito, para a posta en marcha de moitas iniciativas e afrontar novos retos contaron co respaldo da exdirectora xeral que, polo momento, non se sabe se repetirá cargo no novo goberno. É paradoxico,  pero sempre lle dan as grazas os personaxes e politicos que nos meten nos fregados nos que estamos. Lembremo que Feijoo dixo que todo aquel deputado imputado debe demitir por un asunto de ética.

 http://www.lavozdegalicia.es/noticia/politica/2012/12/12/investigan-diputada-pp-prevarico-negar-permiso/0003_201212G12P2991.htm?idioma=galego