O INCENDIO NO KEBAB POIDO SER UNHA “GAMBERRADA”

Policía Local e Protección Civil de Cambados víronse obrigados a desaloxar, a madrugada do domingo, un céntrico restaurante de Cambados ao rexistrarse nun incendio nun dos baños. 

Segundo relatou o propietario do establecemento, o restaurante Kebab, as chamas comezaron despois de que varios mozos accedesen aos aseos. O que se descoñece é como se produciron. Protección Civil non descartaba onte que o incendio puidese ser provocado ao tirar unha cabicha na papeleira do baño. 

O certo é que foi outro cliente o que se decatou do intenso fume que saía do servizo e, rapidamente, dispúxose a sufocar as chamas coa axuda dun extintor. 

Un cliente sufocase as chamas cun extintor antes de que chegase Protección Civil 

Foi despois cando alertaron do ocorrido ao 112, que desprazou ata a cale Infantas a Protección Civil. O labor dos efectivos cambadeses consistiu, sobre todo, en ventilar o establecemento no que o fume acumulouse. 

No momento no Protección Civil chegou ao restaurante, ao redor das tres da madrugada do domingo, este esta xa baleiro, ao ser a Policía Local quen procedeu a desaloxar a clientes e empregados como medida preventiva. 

Os labores de ventilación provocaron que moitas persoas congregásense ante a fachada do establecemento, en cuxo interior apenas se rexistraron danos, máis que os producidos pola espuma do extintor. 

Agora será necesaria unha importante tarefa de limpeza en todas as dependencias do restaurantes a fin de evitar os danos que poida causar o po quimico do extintor. Estas tarefas poderían atrasar un par de días a reapertura do restaurante Kebab, que viña ser o antiguo Bar Infante da añorada Fina.