LOLITA A DO “VAGO” GAÑADORA DO CONCURSO DE FILLOAS.

As filloas de Lolita a do "Vago"  triunfaron no concurso do Concello de Cambados, logrando o premio de 100 euros ás máis saborosas. O xurado non puido resistirse á receita desta cambadesa, pertencente a unha familia de gran
tradición hostaleira na localidade, que acudiu coas súas netas Sofía Fernández Fariña e María Fernández Fariña, que exerceron de pinches. 

 Lolita que pechou o bar, o famoso “ Vago” en maio do 2009 que fundará  o seu pai Sr. Moncho o Vago  e a sua muller Sra. Manuela , a finais dos trinta ou principios dos corenta, e que despois lle deixaron a súa filla ela e o seu home Juan, encerrou gran parte da historia de Cambados, todos os clientes eran prestixiosos pero temos que destacar que foi un deles nunha etapa determinada o noso egrexio escritor D. Ramón Cabanillas. Ninguén das fillas de Lolita quixo continuar coa saga familiar polo que non houbo máis remedio que poñer remate a este “mítico bar trianero” e seguimos ainda agora botando de menos os seus callos e a as súas empanadas. Lolita é unha excelente cociñeira. 

E na categoría da cociñeira máis rápida, a participante Anxos Rodríguez Ramos bateu o seu propio récord, elaborando nada menos que 59 en media hora. Un ano máis presentouse coas súas fillas disposta a recuperar o título que perdeu na edición de 2012, despois de conseguir facer 70 nunha hora na de 2011. Tamén recibiu 100 euros de gratificación e o resto de participantes 50 euros cada un en compensación polo esforzo. 

Entre eles había de todo un pouco, homes e mulleres, novos e maiores que elaboraron un bo número de filloas que pouco duraron. E é que os asistentes ao baile organizado pola Confraría, que se celebraba na planta baixa do salón de Peña, foron invitados a probalas e non deixaron nin os miolos.