O QUE SE PICA “ALLOS MASTICA”.

MERCOU O PAZO ARAGUNDE?. THAT IS DE CUESTIÓN.

É un refrán que ven moi ben o caso "O que se
pica, allos mastica".  Hoxe lemos no xornal “A Voz de Galicia” Sección de Arousa que Luís Aragunde acusa ao BNG de difamalo facendo circular o “bulo” de que mercou un pazo.  

Ben ante este parba, desafortunada e tramposa acusación , os cambadeses temos que dicir que isto non é certo. Nos non lemos en ningún xornal, en ningún blog, en ningunha rede social que Luís Aragunde mercara un pazo ou casa señorial en Moraña , non lemos nada tampouco  nada do BNG nese senso e iso que case todas as notas que publica o BNG son publicadas nos medios de Arousa agás Radio Arousa e Tele Salnés. É mais este blog tivo coñecemento de que precisamente o bulo naceu nun familiar moi preto de  Luís Aragunde. En todo caso  se houbera difamación por parte de BNG o noso alcalde debería de deixarse de demagoxias e acudir os Tribunais. 

O BNG si que denuncio o do
Pinal de Maza.

Outra cousa que nos parece incrible é que un Alcalde da categoría de Luís Aragunde vaia desmentindo primeiro en Radio Pontevedra e logo na Voz bulos que segundo él non teñen fundamento ningún, agás que Luís mesmo queira  que o persoal manteña a súa atención sobre este “bulo” para que os cambadeses nos esquezamos doutros temas moitos mais graves.

Di Luís  que «Por suposto que é totalmente falso que mercara tal pazo, pero o obxectivo desta estratexia está moi claro: danar a imaxe persoal e desprestixiar ao alcalde». A túa imaxe Luís danáchela ti mesmo sobre todo entre outros escándalos como o do Pinal de Maza onde o escurantismo imperou como lei  e xente preto do o teu partido fixo e está a facer o que quere.Luis non deixa de ser un títere nas mans de Turis, e iso sabeno moi ben no concello de Cambados.

Luios cos dous implicados no do
Pinal de Maza

Segue  a dicir Luís que  «É lamentable que algúns políticos se dediquen a difamar desta maneira. Pero aínda é máis rastreiro que se lancen estes bulos e falsidades nuns tempos nos que a política en xeral está baixo sospeita polos casos abertos por presunta corrupción». Acaso Luís teñen a culpa as outras formacións políticas do Caso Barcenas, do caso Ana Mato e o seu home, do caso Campión, da corrupción en Santiago de Compostela, deputacións e concellos,  e como di o propio Fiscal Xefe de Galicia nun discurso memorable do que che aconsello a lectura no que di que a Administración Local é a mais afectada polos casos de corrupción,. Non, a culpa Luis  é de quen comete os delitos,  non de quen acusa.

Por último Aragunde lémbranos  que hai xeitos de comprobar os bens que posúe un político «pero tristemente sempre pode haber xente que lle dea crédito a estes infundios». Un político, e esa lección sábena moi ben os políticos populares de Cambados, poden agochar os seus bens nas famosas “Comunidades de Bens” querido Luisiño da que no teu partido saben un rato largo, unha propiedade pode non estar o teu nome, como o mellor non é o caso pero quen nos di que podes estar a nome dunha comunidade de bens na que estea un familiar teu, por exemplo. E o bo que teñen as Comunidades de Bens e que non se pode acceder a elas xa que non son públicas como as S.A. ou S.L. 

“Excusatio non petita, accusatio manifesta “ Como todos sabedes é unha locución latina de orixe medieval que ven a significar que todo aquel que se desculpa dun feito sen que ninguén llo pedira, tales desculpas están a sinalar como autor do feito. E parécenos que isto é un pouco o que está suceder co noso “querido” Alcalde. Doutra banda hai que está a dicir xa que unha importante empresa de aguas e unha importante empresa de sumidoiros están a traballar na citada suposta casa polo morro, este bulo Luis naceu en Castrelo.

De todos xeitos Luisiño se te sintes difamado, para iso tes os tribunais para demostralo , como lle dis ti a oposición cando te acusamos de irregularidades.