O SALVAMENTO MARITIMO A DEBATE NA CONFRARIA DE CAMBADOS

VICTOR CAAMAÑO E MARIA XOSÉ CACABELOS, CONCELLEIROS DO BNG TRATARÁN O TEMA.

O blog do BNG ven de colgar na súa páxina que mañán venres 15 de febreiro a partir das 19 horas (7 da tarde), vai ter lugar na Confraria de Cambados unha charla informativa , adicada principalmente a xente do mar que vai tratar como temas fundamentais o  Salvamento marítimo e o apoio o sector do mar. Participarán na mesma Victor Caamaño portavoz municipal do BNG e Maria Xosé Cacabelos concelleira do BNG no concello de Cambados, vicepresidenta da Asociación de Mariscadoras a pé e presidenta de Guimatur.

Lembremos que o 17 de xaneiro pasado o BNG de Cambados, presentou unha moción para tratamento no vindeiro pleno do finais de febreiro EN DEFENSA DO SERVIZO DE SALVAMENTO MARÍTIMO DA XUNTA DE GALIZA E DOS SEGUROS POR MAL TEMPO OU ACCIDENTES NO MAR.

Nela o BNG propón o Pleno Municipal que o concello de Cambados se dirixa a Xunta de Galicia a fin de: 

a)        Derrogar o Decreto 130/2012, do 31 de maio, para estabelecer, daquela, o carácter gratuíto e universal das operacións de salvamento marítimo que realicen unidades do Servizo de Gardacostas de Galiza.

b)        Rescatar a venda dos helicópteros de salvamento marítimo «Pesca I» e «Pesca II», devolvéndoos á súa titularidade pública galega, e garantindo o cumprimento dos tempos de resposta estabelecidos (máximo de dez minutos) as 24 horas dos 365 días do ano, a través do sistema de gardas presenciais na base, coas tripulacións precisas para o cumprimento deste cometido legal.

c)         Recuperar o «Seguro Colectivo de Accidentes no Mar» e o «Seguro do mal tempo».

d)        Garantir o envío dun buque de apoio loxístico e asistencia sanitaria á flota pesqueira que se desprazará á vindeira campaña do bonito do 2013.

2.- Trasladar o presente acordo ao Parlamento de Galiza, grupos parlamentares e ás entidades do sector pesqueiro que operen no noso concello.