112.683´91 €. CUSTALLE O CONCELLO DE CAMBADOS UN ERRO DE LUIS ARAGUNDE E O SEU GRUPO DE GOBERNO.

É O ESCÁNDALO MAIS GRANDE NO CONCELLO DENDE A INSTAURACIÓN DA DEMOCRACIA

Con data de onte o BNG de Cambados presentou escrito no Rexistro do Concello de Cambados destapando un dos escándalos mais grandes da corporación local dende a instauración da democracia. 

Victor Caamaño fainos saber que na acta de sesión ordinaria celebrada pola Xunta de Goberno Local o día 7 de xaneiro do ano 2013, no punto 2 (correspondencia oficial), dase conta dunha  resolución xudicial en contra do Concello de Cambados pola demanda dun veciño de Vilariño. O fallo da sentenza, ditada polo Xulgado do Contencioso Administrativo Número Tres de Pontevedra condena ao concello de Cambados a pagar unha indemnización por danos e prexuizos por valor de 112.683´91 €. Segundo o escrito, a razón da demanda xudicial interposta polo veciño de Vilariño foi debida a que o concello lle concedeu unha licenza municipal para a construción dunha nave industrial (no Lugar de Sineiro, Vilariño) e posteriormente, coa obra xa comezada, o concello anuloulle dita licenza, polo que o veciño  tivo que derrubar a nave construída, co conseguinte prexuizo económico que isto lle ocasionou (motivo da denuncia). 

O BNG e coidamos que todos os veciños de Cambados  consideran que é  moi grave este caso polo seu custo económico para as arcas municipais  e porque deixa ao descuberto unha maneira irresponsable de actuar, que resulta inaceptable e tremendamente gravosa para o noso concello (as “meteduras de pata” desta Alcaldía lle saen moi caras a veciños e veciñas de Cambados). Non entendemos como vai a  xustificar esta Alcaldía que o concello conceda unha licenza municipal para construír unha nave industrial no Núcleo Rural de Vilariño, cando a “Lei do Solo de Galiza” (Lei 9/2002: lei de ordenación urbanística e protección do medio rural de Galiza) é moi clara neste aspecto e prohibe, expresamente, este tipo de construcións industriais nos núcleos rurais. 

O SINEIRO

A XUNTA DE GOBERNO COMPOÑENA EXCLUSIVAMENTE CONCELLEIROS DO PP.

Se nun primeiro momento o concello concedeu a licenza para a construción da citada nave e porque existe un informe  favorable feito por algún técnico de urbanismo do concello e porque, ademais, a Xunta de Goberno Local, formada integramente por concelleiros do PP, deron o visto bo á concesión da licenza na correspondente reunión Ordinaria. Unha licenza concedida de xeito claramente irregular e irracional e que as consecuencias son hoxe  repartidas entre todos e todas, aínda que  non se teña culpa ningunha.

Con este caso tamén o BNG e os veciños de Cambados estamos a  a comprender porque ao Señor Alcalde lle resulta tan prioritario dispor dun Asesor Xurídico que nos costa aos contribuíntes máis de 46.000 € anualmente, cando ningún concello das nosas características e que conta, entre o seu persoal, con interventora, tesoureira, secretario, aparellador e arquitecto necesita  esa categoría de profesional entre o seu cadro de persoal. 

O BNG QUERE VER XA O EXPEDIENTE QUE DEU ORIXE A ESTA INDEMNIZACIÓN

O BNG solicita : que o Alcalde responda ás seguinte preguntas relacionadas con este caso:

1.- Cal foi a razón pola que se lle concedeu a licenza municipal, ao demandante, para construír a nave industrial no núcleo rural de Vilariño?

2.- Quen foi o responsable de elaborar o informe técnico que avalou a concesión da licenza municipal para construír a citada nave?

3.- Cal foi a razón pola que, con posterioridade, o concello anulou a licenza municipal que previamente concedera para construír a nave industrial?

4.- En que acta de sesión da Xunta de Goberno consta a concesión da licenza para a construción da nave?

5.-  En que acta de sesión da Xunta de Goberno consta a anulación da licenza para a construción da nave?

6.- Está obrigado o concello a pagar as costas xudiciais ocasionadas por este contencioso?

7.- Quedou coa referida sanción ao concello de Cambados, definitivamente, pechado xudicialmente este caso?

Solicitamos, así mesmo, que ao grupo municipal do BNG se lle permita realizar a consulta do expediente sobre este caso.

A NOVA NA VOZ

A NOVA DIARIO DE AROUSA

A NOVA EN FARO DE VIGO: