NUMEROSAS PROTESTAS EN CAMBADOS E COMARCA POLO RECIBO DOS SUMIDOIROS.

A XUNTA DE FEIJOO, LOUZÁN, TOURIS E ARAGUNDE “CLAVAN”
OS CIDADÁNS CUN NOVO IMPOSTO DA AUGA DISFRAZADO COMO CANÓN DE VERTIDO.

O novo canón da auga, e neste recisó so pagamos o
50% do mesmo (Preme na imaxe para vela ampliada.

NALGUNHAS OFICINAS DE ESPINA E DELFIN VIVIRONSE SITUACIÓNS DE VERDADEIRA TENSIÓN.

Sempre o BNG de Cambados é o que está a dar a cara polos cidadáns,  e o pasado día 22 de marzo presentaban un escrito no concello de Cambados no que entre outras cousas dician que no mes de outubro do ano 2010, o grupo municipal do BNG presentou no concello una moción  para  “A RETIRADA DO CANON DA AUGA RECOLLIDO NO PROXECTO DE LEI DE AUGAS  DE GALIZA”  e que xunto con esta moción realizou, así mesmo, una serie de charlas informativas, en todas as parroquias e no casco urbano, que tiñan como obxectivo informar aos cambadeses e cambadesas sobre o Proxecto de Lei de Augas de Galiza aprobado pola Xunta, o cal substituía o actual canon de saneamento por dous novos tributos, o canon da auga e o coeficiente de vertido, coa única intención de aumentar a recadación por parte do goberno do PP, a costa de familias e particulares. 
UNHA LEI QUE ICREMENTA DE XEITO BRUTAL O USO DA AUGA
Seguian dicindo os nacionalistas no seu escrito que esta  lei incrementou de xeito brutal e desproporcionado a imposición sobre o uso ou consumo de auga, nomeadamente para os usos domésticos, que serán os que soporten a maior suba de impostos e, hoxe, os veciños/as que están a recibir as facturas correspondentes, non dan creto ao incremento destas con respecto a anteriores anos. 

Factura do concello de Ribadumia (Preme
na imaxe para vela ampliada.

No ano 2010, o BNG afirmaba que xa no primeiro ano de aplicación destes dous novos tributos, a Xunta de Galiza, prevía duplicar a recadación  polo canon de saneamento para o ano 2010, cun incremento de preto de 35 millóns de euros; e que as subidas de taxas, por este concepto,  serían desorbitadas. Así mesmo, o BNG dicía que esta era unha  lei que foi elaborada sen consultar aos concellos galegos, sen discusión previa, obviando a realidade local e a grave situación económica que sufría e sofre o país e os concellos. 
LUIS ARAGUNDE E O PP CAMBADÉS VOTARON EN CONTRA DE RETIRAR O CANON DA AUGA
Os nacionalistas ademais dinos que, por ende, a citada moción presentada polo BNG no pleno de outubro de 2010 foi rexeitada polos votos en contra dos concelleiros do PP e a argumentación, en dita sesión plenaria, que utilizou o PP para votar en contra foi (textualmente na acta de sesión do 30 de outubro de 2010): “…que non é verdade que se vaia substituir o actual canon de saneamento por dous novos tributos como son o coeficiente de vertido e o canon da auga. Non se crean novos tributos senón que se melloran os existentes. …, e con este sistema de tarifas ata un 30% da poboación que actualmente paga o canon de saneamento pagará menos que co actual canon.” 

Hoxe podemos comprobar, lamentablemente, como os temores do BNG sobre que a implantación da lei de augas do PP, ía supor á suba abusiva dos recibos de sumidoiros é xa unha realidade e centos de veciños/as están a protestar porque non son capaces de entender o esaxerado incremento nos recibos de “alcantarillado” que se  lle están a cobrar; isto é polo que o BNG solicitou que polo alcalde Luis Aragunde se resposatará as seguintes preguntas:

1.- Pensa o Concello facer algún tipo de bonificación na súa cota de servizo de “alcantarillado”, para compensar a suba do recibo producida  pola implantación do coeficiente de vertedura?

2.- Nas facturas que se están a emitir, hai veciños/as a quen se lles ven cargado o coeficiente de vertedura mentres ca outros non; cal é a causa?

3.- Puxo o concello algún técnico a disposición dos veciños/as para explicarlles a razón do  gran incremento que experimentaron as taxas de pago de “alcantarillado” que lles están a cobrar?

Nalgunhas oficinas de Espina e Delfin os empregados desta empresa tiveron que escoitar de toda, e con razón, porque a xente estaba moi enoxada, ainda que realmente os que tiñan que escoitar todo isto eran Feijoo, Louzán, touris e Luis Aragunde, que son os verdadeiros artífices deste engano.