CAMBADOS E O SEU AUDITORIO SERÁN O ESCENARIO DA GALA DE ENTREGA DOS PREMIOS GALICIA DE XORNALISMO DEPORTIVO 2013

O xornalista Ramiro Espiño, foi galardoado co Premio Galicia de Xornalismo Deportivo que outorga a Federación Galega de Prensa Deportiva pola súa dilatada traxectoria profesional.

Ramiro Espiño iniciou a súa actividade como xornalista no Diario de Pontevedra e, posteriormente, en Radio Pontevedra (Cadea Ser), empresa na que continúa. 

Timiraos

Ao mesmo tempo realizou traballos noutros medios como Faro de Vigo, Diario AS, a axencia barcelonesa de información deportiva Área 11 eLocalia Televisión. Leva retransmitidos máis de mil partidos do Pontevedra C.F. ademais de encontros importantes doutros equipos do noso ámbito como a SD Teucro, Celta de Vigo, Arosa SC...

A Federación Galega de Prensa Deportiva tamén galardoou nesta oitava edición dos Premios á redacción de Deportes do Diario de Pontevedra pola calidade, esforzo e iniciativa en trasladar a opinión pública á actualidade do deporte galego.

Gerardo Méndez

Nesta edición, entre outros gañadores, atópanse Francisco Chico Pérez pola súa contribución ao periodismo deportivo na modalidade do ciclismo, Luis Timiraos da Televisión de Galicia no apartado audiovisual polos irmandiños do Fútbol galego, o programa Coruña Deportiva de Fran Hermida de la Cadena Ser. Os premios especiais recaen en Televisión Española pola súa "magnífica cobertura da Volta Ciclista a España 2012 ao seu paso por Galicia" e, a título póstumo, na figura de Gerardo Méndez pola súa entrega xornalística ao balonmán.

Os galardóns entregaranse durante unha gala que se celebrará o próximo 15 de abril no Auditorio da Xuventude en Cambados.