OS CAMBADESES SABELA PILLADO E JUAN GALIÑANES, NOMEADOS AOS “OSCAR GALEGOS”.
Os premios Mestre Mateo entréganse hoxe e entre os nomeados hai dous cambadeses: Sabela Pillado e Juan Galiñanes. A primeira aspira a un galardón pola súa serie web “Quéroche, Pero”, e o segundo polo spot “O viño que sabe a festa”, sobre o albariño.
A gala de entrega deste prestixioso certamen do audiovisual terá lugar pasadas as 22:30 horas no Pazo dá Ópera da Coruña. Espérase que tanto Sabela como Juan acudan ao evento.
Cabo recordar que Sabela Pillado é a autora do libro sobre a historia do cine na vila e é unha das creadoras da serie “Quéroche, Pero”, unha comedia romántica emitida íntegramente en Internet, que narra as aventuras de nove mozos e mozas que teñen que enfrontarse á vida na barreira dos 30. Desde o seu estreo, en 2011, suma máis de 120.000 reproducións e foi escollida por “Vertele.com” como unha das 10 mellores series web feitas en España. En canto a Galiñanes, non é a primeira vez que está nomeado a estes premios e esta vez, será polo spot sobre o albariño, un dos catro realizados.
Ningún comentario:
Publicar un comentario