9 DE MAIO FOLGA XERAL NO ENSINO EN CAMBADOS E EN TODO O PAÍS

O BNG DE CAMBADOS APOIA A MOVILIZACIÓN

A CIG-ENSINO CONVOCA FOLGA CONTRA A LOMCE NO ENSINO PÚBLICO 

A Plataforma Galega en Defensa do Ensino Público, que tamén convoca, realizará manifestacións e concentracións en todo o país.

A CIG-Ensino anunciou  que convoca unha folga en todo o ensino público galego para o próximo 9 de maio. A CIG-Ensino xa advertiu no inicio do curso, diante da presentación do anteproxecto de LOMCE, que se o Ministerio de Educación non retiraba a proposta era necesaria unha folga no ensino. 

A convocatoria desta folga chega despois de que a CIG-Ensino levara a cabo unha intensa campaña de información e debate sobre unha lei “perversa e nociva” para o ensino público galego. A CIG-Ensino realizou durante este curso máis de 1.500 asembleas nos centros de ensino para informar dos perigos da súa aprobación e  recolleu máis dez mil sinaturas de profesorado contra a LOMCE.

 Ademais está a participar activamente nas mobilizacións e peches promovidos pola Plataforma Galega en Defensa do Ensino Público, que ven de anunciar que  tamén convoca folga para ese día.

LUGARES DAS MOBILIZACIÓNS CONVOCADAS POLA PLATAFORMA

OURENSE: Xefatura territorial

VIGO: Praza dos Cabalos

FERROL: Praza de España/Praza de Armas

VILAGARCÍA: Praza de Galiza

PONTEVEDRA: Praza da Ferrería

A CORUÑA: Praza de Vigo

LUGO: Praza da Horta do Seminario

BURELA: Praza da Mariña. (Concentración)

SANTIAGO: Praza do Toural

Accede desde esta ligazón  ao Manifesto da Plataforma no que se explican as razóns polas que se convoca esta folga.

A convocatoria  coincidirá coa folga no ensino a nivel de Estado que xa anunciaron a través dos medios de comunicación as organizacións sindicais españolas. A CIG congratulase que a nivel de Estado as organizacións sindicais tamén viran a necesidade de facer esta folga, aínda que se evidencia, unha vez máis,. 

Non contaron para convocala coa organización sindical maioritaria no ensino galego e escollen unha data  que é festivo na capital de Galiza. En calquera caso, o importante para a CIG-Ensino, é que a folga ese día sexa un éxito e frear a súa aprobación”.

A LOMCE é profundamente españolizadora e privatizadora, que retrotrae o sistema educativo aos postulados do franquismo e que recolle a visión da educación da Conferencia Episcopal. “Está ao servizo da patronal da privada concertada, porque fai unha planificación do ensino como mercadoría e dálle incluso rango de lei aos concertos con centros que segregan alumnado por razón de xénero”..

Reforzase a confesionalidade do ensino, que liquida a xa cativa xestión democrática dos centros, porque usurpa competencias que agora teñen os Consello Escolares e as direccións serán impostas pola Administración. “Como xa ten denunciado a CIG,  reforma o ensino para convertelo nun sistema moito máis elitista, selectivo e segregador, que vai expulsar ao alumnado con menos recursos e que pon en tea de xuízo o dereito á educación. Desconfíase do traballo do profesorado e introdúcense reválidas que farán que o alumnado se xogue todo o seu futuro a unha carta”..

Por último, a CIG-Ensino denunciou, unha vez máis, a actitude do Conselleiro de Educación que, diante do espolio de competencias, segue desaparecido e actuando como militante disciplinado do PP, negándose a abrir un debate que permita fixar unha posición do Goberno galego e que teña en conta a opinión da comunidade educativa galega.  Por todas estas razóns “como CIG-Ensino imos poñer todo da nosa parte para que a folga do día 9 de maio sexa todo un éxito. Pode consultar toda a información sobre a LOMCE na seguinte Ligazón