DEPLORABLE ESTADO DO COLEXIO DE CASTRELO POR CULPA DO CONCELLO DE CAMBADOS

AMPA E BNG ÚNENSE PARA RECLAMAR O SEU ADECENTAMENTO.

TAMEN UN GRUPO DE PAIS DO IES ASOREY PIDE O ADECENTAMENTO DE PARADA DE BUS DO COUTO DE ARRIBA.

O grupo municipal do BNG de Cambados  ven de presentar un escrtio no concello de Cambados no que  di que  nais e pais de alumnos/as do Colexio de Castrelo puxéronse en contacto con eles, informándolle de que o recinto exterior do seu Colexio Público  necesita, desde hai tempo, unha intervención relativa ao seu mantemento e que xa  a ANPA do citado colexio solicitou  o pasado mes de outubro que o concello se fixera cargo desta actuación, aínda que a día de hoxe seguen agardando.

 Que segundo afirman, recentemente, a Alcaldía á cal se dirixen, afirmoulles de que non se podía facer cargo do solicitado mantemento do recinto a causa dos recortes económicos (supoñemos que o Alcalde se refería aos recortes feitos polo PP). Así mesmo, solicitaron que o concello lles facilitara a ferramenta axeitada para que foran  nais e pais de alumnos/as do Colexio quen realizaran  o mantemento demandado, aínda que o concello lles respondeu que non dispuña de ferramenta porque a estaba utilizando a Escola Obradoiro. 

Considerando que nun concello deben estar claras determinadas prioridades e, entre elas, os centros de Ensino Público, semella que neste caso o Concello de Cambados debe facerse cargo inmediatamente do citado mantemento do recito axardinado do colexio, pois é utilizado diariamente por  numerosos alumnos/as. Semella que neste concello as prioridades non están moi claras, pois esta debería estar moi por diante do mantemento das rotondas que, simplemente, son pura estética que non afecta á funcionalidade das estradas e que, polo tanto, poden agardar máis tempo ca un recinto escolar; polo que

O BNG , en definitiva solicitou: que, en primeiro lugar, se respondan as seguintes preguntas:

1.-  Cando e cantas veces, neste curso, se dirixiu a ANPA do Colexio Público de Castrelo a este concello solicitando que  realizara o mantemento do recinto escolar exterior?

2.- Cal é a razón pola que a día de hoxe segue sen facerse dito mantemento? 

3.- Pensa o concello realizar dito mantemento? Cando?

4.- Negouse o Concello a facilitar a ANPA do colexio de Castrelo, a ferramenta solicitada para realizar eles mesmos o mantemento do centro de ensino? Por que?

E, en segundo lugar,  o BNG solicita que esta Alcaldía de a orde pertinente para que persoal do concello realice con premura o mantemento do recinto escolar do Colexio Público de Castrelo.

Referente ao I.E.S ASOREY tanto a Ampa, avalada por sinaturtas de pais, como o BNG, e incluso algunha nai de xeito personal veñen a reclamar tamén o arreglo e adecentamento da parada de bus existente no Couto de Arriba - Castrelo. O concello, por medio do Alcalde , contestouselles que xa estaba arreglada, en vista as fografias aportadas por unha das nais vemos que Luis Aragunde volve a mentir