O MINISTRO NON É PRIMEIRA VEZ QUE É "TILDADO" DE MACHISTA E MENOSPREZAR A MULLER
Estase a punto de facer un ano da miña defenestración
como concelleiro do BNG coa anuencia desta formación e de destacados dirixentes da mesma como Jorquera e Olaia. Neste ano o blog “A ti meu cambados” contouvos as burradas que durante o mesmo dixeron diversos membros do PP os cales todos seguen nos seus cargos ou polo menos, a maioría. Pero resulta que o que dixo a
maior burrada de todos foi o seu candidato nestas eleccións europeas Miguel Arias Cañete que non é a primeira vez que resbara neste tema, ou sexa que non é un "desliz" senón que é unha actitude. Cañete é realmente machista e non ten que ver nada comigo no seu comportamento, a min nunca se me ocorrería dicir publicamente o que dixo este energúmeno das mulleres. Pero o mais grave de todo é que mulleres do Partido Popular defendeno a morte, non lle pasou como
me pasou a min, que o primeiro que me dixo Goretti Sanmartin Rei encargada da area municipal dentro do BNG “hai colectivos feministas dentro do BNG que piden a túa cabeza”, onde están agora eses colectivos que non piden a dimisión de Arias Cañete.
Cañete é reincidente, pois lembrades cando dixo aquelo de “O regadío hai que utilizalo como as mulleres, con moito coidado, que o poden perder a ún”. Hai actitudes mais machistas que estas, creo que non, pero este home foi "ensalzado" por Rajoy e polas mulleres do Partido
Popular e pola caverna mediática da dereita. O menosprezo as mulleres do candidato do PP non ten parangón na historia da democracia e así o está a publicar a prensa internacional tachando a este energúmeno coma un home das cavernas. Por certo esperemos que Luís Aragunde rectifique, e non invite a este elemento machista a festa do Albariño.
NA ESQUERDA QUEREMOS SER MAIS PAPISTAS QUE O PAPA
A miña dimisión como concelleiro, sumáronse estes días a de dúas compañeiras do PSOE as que reitero a miña solidariedade dende esta bitácora, por certo teño que dicir que o artigo “CARTA ABERTA A SUSANA CAMIÑO E
BEATRIZ MARTINEZ” está a bater todos os "records" deste blog pois a nova con mais visitas ostentaba o pasamento do "añorado" Rafa Blanco con 1865 entradas directas, a carta aberta a Susana e Beatriz leva xa mais de 2000 entradas directas. Dimisións que as
nosas formacións foron as primeiras en pedilas en troques o PP apoia a estes energúmenos con toda a súa forza, pese a que nos rectificamos e pedimos perdón, pero iso non valía, tiñan que entregar a nosa cabeza en bandexa de prata como fixo Herodes con Juan Bautista a Salome (perdoarme o símil
bíblico), lembrádesvos daquel alcalde da localidade lucense de Baralla que dixo textualmente “Os mortos do franquismo será que o merecían”, pois segue no seu cargo e ninguén do PP lle pediu a súa dimisión é mais, ríronlle as grazas. Onde este o inútil ministro de interior Jorge Fernández para perseguir a este elemento fascista de Baralla. Porque cando din as cousas o PP son frases desafortunadas e cando as din concelleiras ou concelleiros de esquerda teñen que dimitir inmediatamente. Non o entendo. En fin podiamos seguir poñendo exemplos de concelleiros do PP que non dimiten como os que saíron do pleno para non escoitar a pais con fillos enfermos de cáncer no concello de Toledo, ou os concelleiros que están sendo xulgados do Concello de Santiago que son actualidade estes días. Porque perdemos xente válida na esquerda por facerlles o xogo ao PP e a caverna mediatica da dereita na que por suposto incluo a Coz.
E agora respondendo a pregunta que titula este artigo, evidentemente non me quedaria con ningún dos dous pero si tivera que escoller obrigatoriamente quedariame con "Chochito".
FOTOS: GOOGLE IMAXES.
Ningún comentario:
Publicar un comentario