O ARTISTA MANOLO PAZ EXHIBE “OBXECTOS DÁ TERRA” NO INSTITUTO AFONSO X DE CAMBRE

AO LONGO DUN TRIMESTRE OS ESCOLARES PODERÁN COÑECER A OBRA DESTE ESCULTOR

Contanos El Ideal Gallego que o artista cambadés Manolo Paz inaugurou estes días a instalación “Obxectos dá Terra”

no instituto Afonso X de Cambre e que se integra dentro do programa “Arte na escola”.

Ao longo dun trimestre os escolares poderán coñecer a obra deste escultor cambadés que, segundo os especialistas en arte, é un dos máis importantes a nivel galego.

Os mozos aproximaranse á obra de Manolo Paz, á súa relación coa cultura galaica, sobre todo a través do uso da pedra, que é a protagonista da maior parte das súas obras.

Así mesmo os escolares teñen a oportunidade de experimentar coa escultura dunha forma

máis directa, creando as súas propias obras que se expoñerán no centro educativo.

Pola súa banda, Paz manterá unha serie de coloquios cos participantes no proxecto "Arte na escola", para falar das súas experiencias, curiosidades e distintos achados realizados nos seus anos de actividade.