O MESTRE XAQUIN XESTEIRA DESMENUZANOS O CONCERTO DE MÚSICA GALEGA DE MAÑÁ SÁBADO

A CARGO DA BANDA DE MÚSICA DE CASTRELO DE CAMBADOS NO DÍA DAS LETRAS GALEGAS.

Día 17 de maio de 2014 ás 12:30 horas no Auditorio A Xuventude de Cambados.

Neste concerto especial da Banda de Música de Castrelo, colaborarán a gaiteira e gaiteiro da Orquestra Folk de Galicia SONDESEU Antonio Prieto (Dena-Meaño) e Marina Vigo (Vigo), ambos estudantes da especialidade de Gaita na ETRAD (Escola Municipal de Música Folk e Tradicional de Vigo) e,

polo tanto, alumnos de Xaquín Xesteira, ademáis de participar noutros proxectos musicais, como no caso de Antonio, no grupo de Gaitas Penaguda de Dena.

Tamén participará no acordeón Anxo Xesteira, membro da Banda de Música na sección de gaitas

e na percusión.

Un ano máis, este concerto estará dedicado á Música Galega, música inspirada na música tradicional do noso país; e tamén haberá unhas pinceladas de música doutros países, como serán

Irlanda e Euskadi.

Programa:

- Lugo - Ferrol, pasodobre galego de Gregorio Baudot.

- Alborada de Celanova, de Francisco Landín. Gaita solista: Antonio Prieto.

- Planxty Irwin: Melodía irlandesa composta por O'Carolan, famoso arpista, compositor e poeta irlandés que viveu entre 1670 e 1738 que, debido a unha ceguera aos 18 anos, dedicouse a percorrer toda Irlanda coa

súa arpa interpretando a súa música. Neste caso trátase dun arranxo propio da banda.

- Airiños Aires, rapsodia galega (obra composta de diferentes temas e ritmos tradicionais) de Gustavo Freire. Gaita solista: Marina Vigo.

- Santa Comba, xota galega de Antonio Amigo.

- Gaztelugatxeko Martxa, composición de Kepa Junkera, trikitilari euskaldún. Nesta ocasión adaptamos para a Banda de Castrelo o arranxo que Emmanuelle Martin fixo para a gravación que o acordeonista realizou

coa Orquestra Sinfónica de Euskadi. Acordeón solista: Anxo Xesteira.

- Muiñeira de Viloira, composta por Ricardo Courtier, músico clásico coruñés (1863-1922) afincado primeiro en Ourense donde dirixíu a Banda Municipal e logo en Trives donde tamén dirixíu a Banda e formou o grupo Os Trintas de

Trives. Neste caso, tamén é un arranxo da Banda de Castrelo. Solistas: Antonio Prieto e Marina Vigo.

- Entre Rúas, pasarrúas da Banda de Castrelo inspirada nas alboradas que

esta formación realiza ao longo de cada ano nas diferentes festas cambadesas. Solistas: Marina Vigo e Antonio Prieto.

- Muiñeira dos Pendellos, de Xoán Lois Diéguez.

A todos os que querades pasar un bo rato de música galega, alí nos veremos.