DENDE AXUDAS O ENSINO, MERCADO DAS FLORES, FALTA DE LIMPEZA NAS RÚAS, PASO PEÓNS AVDA POMBAL, AVDA DA PASTORA, JAUME MATAS OU RUA ATLANTICO.
Nótase que Fatima Abal e o seu equipo están a traballar de arreo e o mesmo tempo tamén queren facer traballar ao noso alcalde, e cara o pleno do vindeiro xoves presentan unha bateria de mais de trinta preguntas que abarcan varios temas, aqui as tedes todas:
AXUDAS A PRIMARIA E ESO
O 16 de xuño de 2014 saíron publicadas no BOPde
Pontevedra as bases reguladoras para a concesión de axudas municipais para a adquisición de libros de texto e material escolar para alumnos de centros docentes públicos de educación primaria e secundaria do Concello de Cambados para o curso 2014/2015.
1.-Cal é o motivo polo cal 308 familias que cumplían todos os requisitos quedaron fora da axuda?
2.-Onde se regula o feito de que para ser beneficiario desta axuda hai que conseguir al menos acadar 3 puntos?
3.- Ninguén se dou conta que esta axuda é enormente discriminatoria con calquer nai o pai que estea casado aínda que se atopen os dous membros do matrimonio no paro, porque se os seus fillos non teñen ningúnha minusvalía non obteñen ningún punto , mentres que un pai solteiro, viúvo ou separado obtén dous puntos independentemente do que gane e dos fillos que teña ?
4.- Qué tipo de axuda é esta que se concede a pais, nais ou titores que gañen 24.000€ ó ano se están viúvos, solteiros ou separados, anque só teñan un fillo, pero para que se lle conceda a pais ou nais casados que gañen 12.500€ ó ano, teñan que ter polo menos 9 fillos para chegar ós 3 puntos do baremo?
5.-Cal foi o acordo adoptado na Xunta de Goberno Local respecto deste tema?
6.- Non ten pensado o equipo de goberno, asumir que se equivocou con este tema, rectificar e ampliar a axuda ós demáis solicitantes que cumplen os requisitos para ser beneficiarios?
AXUDAS UNIVERSATARIOS
1.- Pode enumerar cales son os medios de comunicación nos que se nos dixo no Pleno de Agosto, saíu publicitada esta axuda?
2.- Quenes van ser os beneficiarios desta axuda? Cómo se vai facer o reparto de puntos, baremación, etc?
3.- Vanse seguir os requisitos esixidos para a obtención de calquera axuda de emerxencia social?
4.- É consciente o grupo de goberno deste Concello de que unha persoa que se atopa en situación de emerxencia social e non ten forma de subsitir, é moi improbable, por non decir case imposible, que poida estar matriculado ou que teña un fillo matriculado en calquera universidade e que ademáis non sexa beneficiario de ningunha outra axuda para estudios? Acaso as axudas que se van dar neste Concello van a cubrir todos os gastos dun universitario?
5.-Realmente esta axuda é moi estrana xa que é totalmente opaca, sen publicidade, e non hai ningún tipo de información, podería explicar básicamente o relativo á solicitude e concesión deste tipo de axuda?
COLEXIO MAGARIÑOS
1.- Que é o que se está a facer no patio do Colexio: un peche de parte do patio para ser considerado como patio pechado ou un ximnasio no patio?
2.- Se o que se está a facer é un patio pechado para que os nenos non se mollen nas entradas e saídas e no tempo do recreo, onde vai facer o alumnado do colexio as clases de Educación Física? O problema persiste, pois non cremos que despois de cada recreo alguén limpe a zona dos restos de bocadilos, iogures caídos, merendas, etc, nin que despois de resgardarse antes de tocar o timbre cando chova, cos paraugas e zapatos mollados, alguén fregue para que se poida impartir clase despois...
3.- Se o que se está a facer é un ximnasio, exclusivamente para facer ximnasia e nada máis, quere isto dicir que os nenos de cuarto, quinto e sexto do Colexio Magariños non poderán volver a saír ó patio cando chove? Quedarán estes alumnos sen recreo durante os tres anos que lles quedan de primaria os días de choiva?
4.- Este é o arranxo que tanto se leva agardando no Colexio, que non só non vai resolver o problema senón que vai crear outros novos?
5.- No Pleno de decembro de 2013 falouse da desafectación dos terreos para as melloras do Colexio, xa están iniciados os trámites? Baixo que condicións podería levarse a cabo ?
5.-Vai firmar o Concello de Cambados un compromiso de que esta desafectación leve implícito o uso e desfrute de por vida dos usuarios do Colexio para que o Concello non poida desfacerse nun futuro deses terreos privando do seu uso ó Colexio aínda que ostente a titularidade?
MERCADO DAS FLORES
Estes días a prensa fíxose eco das queixas das floristas polo
1.-É legal ou ilegal a actividade deste mercado?
2.-Que tipo de requisitos se esixen para dar licencia á instalación destes postos?
No caso de ser legal:
3.-Cal é o motivo do conflito?
No caso de non ser legal:
4.-Que medidas pensa tomar o Concello contra a instalación destes postos? 5.-Por que se permite a sua existencia?
6.- Se a resposta é, tal e como se recolle na prensa, que “xa é moi tarde para tomar medidas” , por que non se anticipou o Concello, sabendo que esta situación se produce tódolos anos, e por que non se tomaron antes as medidas oportunas?
Os socialistas faran constar na Acta que este Grupo Municipal non se manifesta nin a favor nin en contra de que se celebre este Mercado de Flores nos días anteriores ó Día de Difuntos e simplemente quere saber da súa legalidade ou non.
Respecto ó paso de peóns que permite cruzar desde o edificio número 30 da Rúa Sevilla ata o Paseo Marítimo, e no que xa houbo polo menos tres atropellos no último ano, de persoas que cruzaban precisamente enriba do paso de peóns,
1.- Cal é a solución que vai adoptar o Concello para que non volva a ser atropelado ningún outro veciño?
2.- A visibilidade é clara cruzando da rúa para o Paseo, pero os coches veñen a unha velocidade en moitas ocasións que non é a axeitada. Pola contra, non hai ningún tipo de visibilidade para os peóns, cruzando do Paseo á Rúa Sevilla pois permítese aparcar a tres coches xusto ó lado do paso, que fan que para poder ver, se ven algún vehículo circulando, haxa que baixar da acera, e sobrepasar o ancho do vehículo aparcado ata o medio da carretera. Tendo en conta que esta zona é moi transitada, sobre todo por nenos que veñen de actividades deportivas de todo tipo, debería buscarse unha solución canto antes, ben por parte do Concello ou instando ó organismo que corresponda para que o faga.
DIRECCIÓN UNICA AVDA. DA PASTORA
1. Dende o día 3 de decembro do ano 2013 a Avda. A
.JPG)
2. Ademais, estes veciños e veciñas presentaron unha queixa no Valedor do Pobo, queixa pola que este organismo trasladou ó concello a súa recomendación de dar resposta por escrito a estes afectados. Cándo se vai molestar o PP en dar resposta á solicitude presentada por estes veciños e veciñas de A Pastora, e cumprir a recomendación do Valedor do Pobo? Tan pouco criterio lle considera o alcalde ós seus propios veciños e veciñas como ó Valedor do Pobo?
3. O PSOE de Cambados, a instancia destes veciños, presentou a mesma instancia e queixa no Valedor do Pobo. Solicitude e queixa pola que todavía estamos a agardar resposta. Porque unha vez mais, este equipo de goberno só sabe xestionar impedindo de maneira vergonzosa a labor da oposición. É mais, o alcalde só se pronunciou na prensa para dicir que non os veciños e veciñas, pero sí o PSOE de Cambados estabamos a pedir algo fora da lei. Acaso tanto esforzo costaba contestar persoalmente os veciños e veciñas outorgándolles o respeto que se merecen? Cando se vai retractar das acusacións feitas a este partido ó dicir que estabamos a pedir algo fora da lei, cando o único que fixemos foi presentar o mesmo escrito que presentaran os veciños e veciñas de A Pastora?
4. Será capaz de prometer que nunca mais faltará ó respeto ós veciños e veciñas deste pobo contestando a tódolos escritos que se presenten no Concello? E ademais, deixar de facer demagoxia falando coa prensa antes que cos interesados?
1. Facéndonos eco das numerosas queixas feitas polos veciños e veciñas de Cambados, e podendo comprobalo por nós mesmos, queremos saber a qué se debe que as rúas do Concello se atopen tan sucias, cheas de excrementos de animais, papeis e desperdicios.
2. Ademais, as arquetas dos sumidoiros atópanse a maioría cheas de basura e follas, facendo que nos días de choiva, sexa mais complicado o desaüe de auga e as estradas estean anegadas. É posible que alguén pense que vivindo en Galicia, coa cantidade de días que choven ó ano non é necesario limpar os desaugadoiros?
3. Todo isto supón unha imaxe deplorable do noso Concello, tanto para propios como para alleos, ademais de provocar a sensación de que a pesar de pagar impostos e taxas cada vez mais elevados non se recibe a contraprestación correspondente. É esta a imaxe que se quere dar do noso pobo? É que os/as cidadáns de Cambados non merecen pasear polas rúas sen pisar basura e cos cheiros que hai?
4. Acaso non existe persoal necesario que teña encomendada a tarefa da limpeza das rúas? Por qué hai zonas que nunca se limpan?
5. Non existe ningunha persoa responsable da coordinación e vixiancia deste persoal?
6. Acaso os membros do goberno non pasean polas rúas e ven cales son as necesidades dos veciños e veciñas?
7. Algúen vai a asumir a responsabilidade ou coma sempre non se vai a facer nada?
CABALEIRO CORRUPTO JAUME MATAS
1. Ó día 15 de xullo de 2014, presentamos un escrito solicitando que na xuntanza do Serenísimo Capítulo do Albariño se retirase o título de Cabaleiro ou Dama do Capítulo do Serenísimo da Festa do Albariño a todos aqueles condenados por corrupción, empezando por Jaume Matas i Palou. Pasada a festa do albariño 2014, e non accedendo ó solicitado, nin dándosenos resposta o preguntado, a qué se está esperando para formular unha resposta?
2. Acaso o Alcade de Cambados considera que este individuo é un digno representante para a defensa do noso viño e pobo no exterior?
3. Considera que non é perxudicial para a imaxe do noso pobo que o represente un corrupto que está cumprindo condea?
4. A Corporación vai facer unha condea pública sobre este individuo e o rexeitamento que debe supoñer que nos represente no exterior? Ou vaise dicir que non é necesario e polo tanto dar a entender que se apoian este tipo de conductas?
1.- Cando foron entregadas ao Concello de Cambados as obras de urbanización da UG-1 de “O Pombal”?
2.- Por qué se están a investir fondos públicos do Concello de Cambados e da Deputación Provincial de Pontevedra nunhas obras de que deberían ser financiadas polos promotores do devandito ámbito?
3.- Cales foron as xestións realizadas polo Concello de Cambados dirixidas a que os promotores da UG-1 cumpran as obrigas impostas pola lei en relación coa asunción do guste das obras de urbanización?
4.- Por qué non se executou a hipoteca constituida pola promotora “Hermanos Padín García, S.L.” por un importe de 185.107,70 € para responder das obras de urbanización?
5.- Dende que vostede é Alcalde, cantas sentenzas foron notificadas ao Concello de Cambados anulando licenzas de obra concedidas por seren contrarias ao ordenamento xurídico? Indique sentenzas e datas.
6.- En relación con este mismo período, cantas sentencias condenaron ao Concello de Cambados a aboar cantidades en concepto de responsabilidade patrimonial como consecuencia da anulación de licenzas de obras concedidas e declaradas llegais? Indique sentenzas, datas e importes.
7.- Qué medidas tomou o Concello de Cambados para depurar as responsabilidades derivadas das licencias concedidas e consideradas contrarias ao ordenamento xurídico?
Fotos: LA VOZ DE GALICIA, FARO DE VIGO, ALZA LA VOZ CAMBADOS , A TI MEU CAMBADOS E GOOGLE.
Ningún comentario:
Publicar un comentario