O HUMORISTA PEPO SUEVOS PRESENTOU EN CAMBADOS A PROGRAMACION DE ENTROIDO.

As celebracións do Entroido comezarán este sábado, 14 de febreiro, cunha gran festa infantil no parque de Torrado, a partir das 16 horas, con animación, inchables, karaoke, desfile de disfraces e obradoiros de maquillaxe e globoflexia. 

O domingo de Entroido, 15 de febreiro, o salón Peña acollerá o concurso de disfraces,
retransmitido polo humorista Pepo Suevos. Os premios en vales compra de Zona Centro serán de 100 euros para o mellor individual, 150 euros ó mellor disfraz de parella e 250

euros para o grupo mellor ataviado. Tamén haberá música a cargo da charanga “Os Jaláticos”.

O 16 de febreiro, Luns de Entroido, vai ser unha xornada moi especial para os

máis novos que poderán participar no baile infantil no salón José Peña, que será aberto e gratuito para toda a rapazada. Haberá premios de ata 150 euros para os rapaces mellor disfrazados, nas categorías individual, parella e grupo. Durante esta celebración, a partir das 17.30

horas, vaise desenvolver o concurso de filloas que contará con premios para as habelenzas das mellores reposteiras e/ou reposteiros.

O Martes de Entroido (17 de febreiro) vaise celebrar o desfile de carrozas, e

mais dos enmascarados que desexen sumarse, acompañado pola música da charanga Os Jaláticos e o grupo de Batucada Olodum do Coio. O desfile partirá da escalinata de San Tomé, ás 17 horas, percorrerá as principais rúas da vila: avenida de Galicia, praza do Concello, avenida de Madrid, praza de Fefiñáns, avenida da

Coruña, paseo da Calzada, ata rematar de volta na praza do Concello, onde haberá música e animación por conta da orquestra Gran Coliseum.

Enterro da Sardiña e do Pequeno Nicolás

O mércores de Cinza procederáse ó tradicional enterro da Sardiña, xunto cun personaxe de actualidade, que este ano será o Pequeno Nicolás. Darase lectura aos correspondentes responsos e recibirá a extremaunción antes de que pase a ser alimento do lume purificador. Ó sepelio asistirán as forzas vivas, plañideiras de pago e todos cantos queiran ir. As marchas fúnebres serán interpretadas por charangas e dj´s irreverentes.

FOTOS: FARO DE VIGO, E A TI MEU CAMBADOS.

NOVA RECOLLIDA DE:

Para novas en xeral de Cambados, preme AQUI.

Para novas de deportes de Cambados, preme AQUI.

Se queres ver os nosos videos de novas en xeral, preme AQUI

Se queres ver os nosos videos de deportes, preme AQUI