FATIMA ABAL : “MANTIVEN O SÁBADO UNHA REUNIÓN CON EXTRABALLADORAS DE SOCYSER.”

MANIFESTA A SOCIALISTA PERANTE OS COMENTARIOS DE BLANCA AGRA, TRABALLADORA ACTUAL DE SOCYSER

A candidata socialista ao concello de
Cambados, Fatima Abal ven de sacar unha nota aclaratoria no seu facebook,  a propósito dos comentarios dunha traballadora actual do Socyser, Blanca Agra, e publicadas neste blog, a nota en cuestión di textualmente: 

“Respecto ás publicacións que andan a percorrer polas redes, e os "anuncios" de denuncias, dicir só 4 cousas: 

1. mantiven o sábado unha reunión con extraballadoras de Socyser.

2. non o denunciei antes porque non tiña coñecemento do que sucedía

3. anuncian denuncia por inxurias, cando non hai tal, e encima a mesma persoa que as anuncia recoñece que todo é certo. Aínda que non fose así, teño probas de todo canto digo para presentar ante un xuíz o ante quen sexa.

4. o culpable, non é o que denuncia, é o que comete o delito.”

Parece ser que no seo da familia socialista non sentou nada ben a nova  a estase a tachar a este blog de partidista  e ó único que fixemos foi o seguinte:

1º.- Publicar unha nota de prensa que nos enviou o PSOE.

2º.- A esa nota de prensa reacciona a traballadora actual do Socyser, Blanca Agra, con dous comentarios que publicamos integramente.

3º.- A esta publicación  dous candidatos do PSOE dirixíronse a este blog  como si dixeramos algo do outro mundo e só puxemos o que dixo Blanca Agra,  é mais,  a nova remataba así: 

“Non facemos comentario ningún para non ferir a susceptibilidade de ninguén,  aí deixámola nova e xulgade vos mesmos.”